Álemge áigili ulybritaniialyq fizik-teoretik Stiven Hoking adamzat tolyq joiylyp ketetin jyldy atady. Beijińde ótken Tencent WE sammitine qatysýshylarmen videobailanys kezinde ǵalym 2600 jyly adamzat joiylyp, Jer beti qýat energiiasyn toqtaýsyz paidalanýdan ot basqan ǵalamǵa ainalatynyn málimdedi, - dep habarlaidy New York Post.
"Bizdiń órkenietke adam sanynyń shamadan tys artýy qaýip tóndirip otyr. Adamdar batyl túrde alǵa jyljyp, jańa ǵalamsharlardy igerý kerek", - deidi Hoking.
Ǵalymnyń sózinshe, adamdarǵa qolaily oryn bizge jaqyn Alfa Tsentavra juldyzdar júiesi bolýy múmkin. Osy maqsatta ǵalym Breakthroug Starshot jobasyn qoldaityn demeýshilerdi izdep jatyr. Bula joba boiynsha, ǵalymdar óte jyldam barlaýshy qurylǵy jasamaq.
"Ol Marsqa bir saǵatta jetedi. Plýtonǵa deiin birneshe kúnde, al Alfa Tsentavraǵa 20 jylda ushyp barmaq", - deidi ǵalym.
Alfa Tsentavraǵa jer serigin ushyrý jobasy 2016 jyly bastalǵan. Bul jobaǵa bastama bergen reseilik biznesmen Iýrii Miller jáne Stiven Hoking boldy.
