ەلەمگە ەيگٸلٸ ۇلىبريتانييالىق فيزيك-تەورەتيك ستيۆەن حوكينگ ادامزات تولىق جويىلىپ كەتەتٸن جىلدى اتادى. بەيجٸڭدە ٶتكەن Tencent WE سامميتٸنە قاتىسۋشىلارمەن ۆيدەوبايلانىس كەزٸندە عالىم 2600 جىلى ادامزات جويىلىپ, جەر بەتٸ قۋات ەنەرگيياسىن توقتاۋسىز پايدالانۋدان وت باسقان عالامعا اينالاتىنىن مەلٸمدەدٸ, - دەپ حابارلايدى New York Post.
"بٸزدٸڭ ٶركەنيەتكە ادام سانىنىڭ شامادان تىس ارتۋى قاۋٸپ تٶندٸرٸپ وتىر. ادامدار باتىل تٷردە العا جىلجىپ, جاڭا عالامشارلاردى يگەرۋ كەرەك", - دەيدٸ حوكينگ.
عالىمنىڭ سٶزٸنشە, ادامدارعا قولايلى ورىن بٸزگە جاقىن الفا تسەنتاۆرا جۇلدىزدار جٷيەسٸ بولۋى مٷمكٸن. وسى ماقساتتا عالىم Breakthroug Starshot جوباسىن قولدايتىن دەمەۋشٸلەردٸ ٸزدەپ جاتىر. بۇلا جوبا بويىنشا, عالىمدار ٶتە جىلدام بارلاۋشى قۇرىلعى جاساماق.
"ول مارسقا بٸر ساعاتتا جەتەدٸ. پلۋتونعا دەيٸن بٸرنەشە كٷندە, ال الفا تسەنتاۆراعا 20 جىلدا ۇشىپ بارماق", - دەيدٸ عالىم.
الفا تسەنتاۆراعا جەر سەرٸگٸن ۇشىرۋ جوباسى 2016 جىلى باستالعان. بۇل جوباعا باستاما بەرگەن رەسەيلٸك بيزنەسمەن يۋريي ميللەر جەنە ستيۆەن حوكينگ بولدى.
