Foto: Polisia.kz
Stepnogorskide politsiia baǵaly metaldardyń zańsyz ainalymyn áshkereledi, dep habarlaidy Ult.kz.
26 qarashada Stepnogorsk qalasynda politsiia qyzmetkerlerimen jedel-izdestirý jáne tergeý is-sharalarynyń keshenin júrgizý nátijesinde, quramynda altyn bar shikizatty zańsyz óńdeýdi júzege asyrǵan adamdardyń qyzmeti toqtatyldy.
Zavodskoi kentiniń aýmaǵynda politseiler eki jasyryn tsehty anyqtady. Ustaý kezinde zańsyz izdeýshilerdiń eki brigadasy boldy. Qatysýshylardyń quramynda altyny bar materialdan arnaiy jabdyqty paidalana otyryp, altyn alý protsesin uiymdastyrǵany anyqtaldy.
Oqiǵa oryndaryn tekserý jáne tintý is-sharalaryn júrgizý barysynda quramynda 800 kelige jýyq altyn bar material, eki qaita óńdeý qurylǵysy, sondai-aq 30 gramm altyn tárkilendi.
Atalǵan faktiler boiynsha qylmystyq is qozǵaldy. Zańǵa qaishy qyzmetke qatysy bar azamattarǵa qatysty tergeý amaldary júrip jatyr.
