فوتو: Polisia.kz
ستەپنوگورسكٸدە پوليتسييا باعالى مەتالداردىڭ زاڭسىز اينالىمىن ەشكەرەلەدٸ, دەپ حابارلايدى Ult.kz.
26 قاراشادا ستەپنوگورسك قالاسىندا پوليتسييا قىزمەتكەرلەرٸمەن جەدەل-ٸزدەستٸرۋ جەنە تەرگەۋ ٸس-شارالارىنىڭ كەشەنٸن جٷرگٸزۋ نەتيجەسٸندە, قۇرامىندا التىن بار شيكٸزاتتى زاڭسىز ٶڭدەۋدٸ جٷزەگە اسىرعان ادامداردىڭ قىزمەتٸ توقتاتىلدى.
زاۆودسكوي كەنتٸنٸڭ اۋماعىندا پوليتسەيلەر ەكٸ جاسىرىن تسەحتى انىقتادى. ۇستاۋ كەزٸندە زاڭسىز ٸزدەۋشٸلەردٸڭ ەكٸ بريگاداسى بولدى. قاتىسۋشىلاردىڭ قۇرامىندا التىنى بار ماتەريالدان ارنايى جابدىقتى پايدالانا وتىرىپ, التىن الۋ پروتسەسٸن ۇيىمداستىرعانى انىقتالدى.
وقيعا ورىندارىن تەكسەرۋ جەنە تٸنتۋ ٸس-شارالارىن جٷرگٸزۋ بارىسىندا قۇرامىندا 800 كەلٸگە جۋىق التىن بار ماتەريال, ەكٸ قايتا ٶڭدەۋ قۇرىلعىسى, سونداي-اق 30 گرامم التىن تەركٸلەندٸ.
اتالعان فاكتٸلەر بويىنشا قىلمىستىق ٸس قوزعالدى. زاڭعا قايشى قىزمەتكە قاتىسى بار ازاماتتارعا قاتىستى تەرگەۋ امالدارى جٷرٸپ جاتىر.
