Stepnogorsk qalasynda quramynda polihlordifenil bar (PHD) qaldyqtardy ýtilizatsiialaý zaýyty salynbaidy.
Bul týraly búgin Stepnogorsk qalasynyń ekologiia máselelerine arnalǵan beinekonferentsiia barysynda Ekologiia, geologiia jáne tabiǵi resýrstar vitse-ministri Ahmetjan Pirimqulov málimdedi.
Qazirgi zamanǵy qondyrǵyny ornalastyrý úshin óńirden tys balamaly ýchaske aiqyndalatyn bolady.
Konferentsiiaǵa 40-tan astam adam qatysty, olar Stepnogorsk qalasynyń basshysy Erkebulan Baiahmetov, «Jasyl damý» AQ basshylyǵy, Qazaqstannyń ekologiialyq uiymdary qaýymdastyǵy, turaqty organikalyq lastaǵyshtarmen jumys jónindegi sarapshylar, qoǵam qairatkerleri jáne Stepnogorsk qalasynyń bastamashyl tobynyń ókili Viacheslav Cherepkov.
Qatysýshylar PHD-qaldyqtardy saqtaý máselesine erekshe nazar aýdardy. Oǵan táýelsiz sarapshy Ámina Beibitovanyń qorytyndysy usynyldy.
«Qaldyqtar halyqaralyq aktiler men Ulttyq ekologiialyq zańnamanyń talaptaryna sáikes qaita oralǵan, qaptama materialy BUU talaptaryna sáikes sertifikattalǵan jáne tańbalanǵan, sondai-aq tasymaldaý, qaita tieý jáne saqtaý kezinde aǵyp ketý men zaqymdanýdy (korroziiany) boldyrmaidy»,- delingen sarapshynyń qorytyndysynda.
Sarapshylar «Ekoliýks-AS» JShS qoimasyndaǵy PHD - qaldyqtar qaptamasynyń qorǵalý deńgeii halyqaralyq aktilermen belgilengen qajetti talaptardan birneshe ese asyp túskenin atap ótti.
Ministrlik ókilderi «Ekoliýks-AS» JShS qoimalaryn qarap, beinekonferentsiia barysynda: «PHD saqtaý sharttary zańnamanyń barlyq talaptaryna sáikes keledi jáne qorshaǵan orta men halyqtyń densaýlyǵyna qaýip tóndirmeidi», - dep túiindedi.
Óz kezeginde, ministrlik «Qazgidromet» RMK mamandarynyń PHD-qaldyqtardy ýaqytsha saqtaý qoimasy aýmaǵyndaǵy aýa men topyraq sapasyna turaqty monitoring júrgizý máselesin qarastyrýda.
«QR Ekologiia, geologiia jáne tabiǵi resýrstar ministrligi Stepnogorsk qalasyndaǵy jaǵdaidy baqylaýda ustaidy jáne osy óńirdegi ózekti ekologiialyq máselelerdi talqylaý boiynsha birqatar kezdesýler ótkizýge nietti»,-delingen ministrliktiń habarlamasynda.
