Stepnogorda jylý elektr ortalyǵynda bolǵan apattyń saldaryn anyqtaý maqsatynda jospardan tys tekserý belgilendi, dep habarlaidy Energetika ministrliginiń baspasóz qyzmeti.
«Stepnogor JEO-daǵy qazandyqtardyń apattyq toqtaý faktileri boiynsha QR Energetika ministrligi atom jáne energetikalyq qadaǵalaý men baqylaý komitetiniń Aqmola oblysy boiynsha aýmaqtyq departamenti tarapynan jospardan tys tekserý belgilendi», - delingen habarlamada.
Ministrliktiń baspasóz qyzmetini usynǵan málimetke sáikes, tekserý nátijesi boiynsha tiisti shara qabyldanady.
«Anyqtalǵan buzýshylyqtar men qabyldanǵan sharalar týraly qosymsha habarlanatyn bolady. Qazirgi Stepnogorda JEO-da 4 qazandyq jáne 3 týrbina jumys istep tur. Stantsiianyń generatsiiasy - 64 MVt, jylý jelileriniń temperatýralyq rejimi saqtalyp tur», - deidi vedomstvodan.
