Foto:rehabcenterindore.com
Búgin Májiliste "Qazaqstan Respýblikasynyń keibir zańnamalyq aktilerine oiyn biznesi, lotereialar jáne lotereia qyzmeti máseleleri boiynsha ózgerister men tolyqtyrýlar engizý týraly" zań jobasy ekinshi oqylymda maquldandy, - dep habarlaidy "Ult Aqparat".
Depýtat Elnur Beisenbaevtyń aitýynsha, bul eń kóp talqylanǵan zań jobasy boldy. Onyń kóterilip, zań jobasy retinde ázirlenip, úzdiksiz talqylanyp kele jatqanynyń ózine 2 jyldyń júzi boldy.
"Úkimettiń qorytyndysyn alýdyń ózine 1,5 jyldai ýaqyt ketti. Qoǵamdyq dialog alańdarynda da, Parlament qabyrǵasynda da keńinen talqylandy. Kúni keshe Prezident janyndaǵy Jastar saiasaty jónindegi keńestiń otyrysynda da lýdomaniiaǵa qarsy is-áreketter josparyn ázirleý jaiy arnaiy sóz boldy. Bul osy máseleniń asa ózekti ekendigin kórsetedi. Buǵan Memleket basshysynyń ózi birneshe ret arnaiy toqtalyp, ony aýyzdyqtaý jóninde naqty tapsyrma berdi", - dedi depýtat Elnur Beisenbaev.
Atalǵan zań jobasy boiynsha qumar oiyndarǵa qatysýǵa jáne bás tigýge shektelgen adamdardyń tizimi anyqtaldy jáne qumar oiyndarǵa tyiym salýdyń shekti merzimi bir jyldan 10 jylǵa deiin uzartyldy.
"Belgili bolǵandai, 1 jyl óte az. Shekteýler aiaqtalǵannan keiin belsendi oinaýdy jalǵastyrýda. Eń bastysy, tyiym salýdy merziminen buryn toqtatý múmkin bolmaidy. Iá, biz oiynshylardyń quqyqtaryn shekteimiz dep aitýǵa bolady, biraq bul shyn máninde lobbisterdiń syltaýy. Eger adam oinaǵysy kelse jáne oinai almasa, onda bul - onyń jaýapkershiligi. Óitkeni shekteýge qatysty qol qoiǵanda ol barlyq zańdyq jaýapkershilikterdi óz moinyna alǵan", - deidi E. Beisenbaev.
Depýtat boryshkerlerdiń biryńǵai tizilimin shekteý zań jobasyndaǵy eń mańyzdy tustarynyń biri ekenin aityp ótti. Qazirgi ýaqytta boryshkerlerdiń biryńǵai tizilimine 3,5 million adam kiredi eken. Beisenbaevtyń pikirinshe olar býkmekerlik keńseler men kazinolardyń klientine ainalýy múmkin.
Sonymen qatar, endi memlekettik qyzmekerler, áskeri qyzmetkerler, arnaýly memlekettik organdarda jumys isteitinder, biýdjettik uiymdardyń basshylary qumar oiyn oinai almaidy. Olardyń sany shamamen 280 myń adam.
"Olar úshin eshqandai eskertý bolmaidy. Stavka jasadyń ba, birden jumystan shyǵasyń", -dedi májilismen.
Qarjylyq monitoring agenttigi málimetteri boiynsha, búginde 200 myńnan astam kámeletke tolmaǵan azamat únemi qumar oiyn oinaidy eken. Depýtat Beisenbaev jasóspirimder energetikalyq sýsyndar iship alyp, qumar oiynǵa kirip ketýi múmkin ekenin de aitty.
"Energetikalyq sýsyndar alkogolden de qaýipti bolyp barady. Qazir tipti 10 jasar bala da energetikalyq sýsyndardy erkin satyp ala alady. Osyǵan bailanysty, Memleket basshysynyń tapsyrmasyn oryndaý úshin 21 jasqa deiingi azamattarǵa energetikalyq sýsyndardy satýǵa tyiym salyndy", -deidi E. Beisenbaev.
Sondai-aq, qumar oiyndarǵa táýeldi adamdardy meditsinalyq ońaltý tártibi belgilenip, dinamikalyq esepke qoimai, iaǵni meditsinalyq qupiiany saqtai otyryp, oiynshylardyń konsýltatsiialyq baqylaýlary engizildi.
Bailanys operatorlaryna qumar oiyndarynyń jarnamasy bar habarlamalardy jiberýge tyiym salý qarastyrylǵan jáne býkmekerlik keńseler men kazinolardyń jarnamasy barynsha shektelgen.
"Osy oraida men blogerlerge, áleýmettik jeli infliýenserlerine býkmekerlik keńselerdi jarnamalaý jáne nasihattaý endi zańsyz ekenin eskertkim keledi. Oǵan 200 myń teńgeden bastap aiyppuldar qarastyrylǵan", - dep aitty depýtat.
Sonymen qatar zań jobasynda sheteldik býkmekerlik keńselerdiń, litsenziiasy joq totalizatorlardyń jáne onlain-kazinolardyń internet-resýrstaryna tolyq tyiym salyndy. Onlain-kazino uiymdastyrýshylary endi 2 jylǵa deiin bas bostandyǵynan aiyrylyp, qylmystyq jaýapkershilikke tartylady.
Jalpy, zańda júzden astam jańa normalar qabyldandy.
