فوتو:rehabcenterindore.com
بٷگٸن مەجٸلٸستە "قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ويىن بيزنەسٸ, لوتەرەيالار جەنە لوتەرەيا قىزمەتٸ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" زاڭ جوباسى ەكٸنشٸ وقىلىمدا ماقۇلداندى, - دەپ حابارلايدى "ۇلت اقپارات".
دەپۋتات ەلنۇر بەيسەنباەۆتىڭ ايتۋىنشا, بۇل ەڭ كٶپ تالقىلانعان زاڭ جوباسى بولدى. ونىڭ كٶتەرٸلٸپ, زاڭ جوباسى رەتٸندە ەزٸرلەنٸپ, ٷزدٸكسٸز تالقىلانىپ كەلە جاتقانىنىڭ ٶزٸنە 2 جىلدىڭ جٷزٸ بولدى.
"ٷكٸمەتتٸڭ قورىتىندىسىن الۋدىڭ ٶزٸنە 1,5 جىلداي ۋاقىت كەتتٸ. قوعامدىق ديالوگ الاڭدارىندا دا, پارلامەنت قابىرعاسىندا دا كەڭٸنەن تالقىلاندى. كٷنٸ كەشە پرەزيدەنت جانىنداعى جاستار ساياساتى جٶنٸندەگٸ كەڭەستٸڭ وتىرىسىندا دا لۋدومانيياعا قارسى ٸس-ەرەكەتتەر جوسپارىن ەزٸرلەۋ جايى ارنايى سٶز بولدى. بۇل وسى مەسەلەنٸڭ اسا ٶزەكتٸ ەكەندٸگٸن كٶرسەتەدٸ. بۇعان مەملەكەت باسشىسىنىڭ ٶزٸ بٸرنەشە رەت ارنايى توقتالىپ, ونى اۋىزدىقتاۋ جٶنٸندە ناقتى تاپسىرما بەردٸ", - دەدٸ دەپۋتات ەلنۇر بەيسەنباەۆ.
اتالعان زاڭ جوباسى بويىنشا قۇمار ويىندارعا قاتىسۋعا جەنە بەس تٸگۋگە شەكتەلگەن ادامداردىڭ تٸزٸمٸ انىقتالدى جەنە قۇمار ويىندارعا تىيىم سالۋدىڭ شەكتٸ مەرزٸمٸ بٸر جىلدان 10 جىلعا دەيٸن ۇزارتىلدى.
"بەلگٸلٸ بولعانداي, 1 جىل ٶتە از. شەكتەۋلەر اياقتالعاننان كەيٸن بەلسەندٸ ويناۋدى جالعاستىرۋدا. ەڭ باستىسى, تىيىم سالۋدى مەرزٸمٸنەن بۇرىن توقتاتۋ مٷمكٸن بولمايدى. يە, بٸز ويىنشىلاردىڭ قۇقىقتارىن شەكتەيمٸز دەپ ايتۋعا بولادى, بٸراق بۇل شىن مەنٸندە لوببيستەردٸڭ سىلتاۋى. ەگەر ادام ويناعىسى كەلسە جەنە ويناي الماسا, وندا بۇل - ونىڭ جاۋاپكەرشٸلٸگٸ. ٶيتكەنٸ شەكتەۋگە قاتىستى قول قويعاندا ول بارلىق زاڭدىق جاۋاپكەرشٸلٸكتەردٸ ٶز موينىنا العان", - دەيدٸ ە. بەيسەنباەۆ.
دەپۋتات بورىشكەرلەردٸڭ بٸرىڭعاي تٸزٸلٸمٸن شەكتەۋ زاڭ جوباسىنداعى ەڭ ماڭىزدى تۇستارىنىڭ بٸرٸ ەكەنٸن ايتىپ ٶتتٸ. قازٸرگٸ ۋاقىتتا بورىشكەرلەردٸڭ بٸرىڭعاي تٸزٸلٸمٸنە 3,5 ميلليون ادام كٸرەدٸ ەكەن. بەيسەنباەۆتىڭ پٸكٸرٸنشە ولار بۋكمەكەرلٸك كەڭسەلەر مەن كازينولاردىڭ كليەنتٸنە اينالۋى مٷمكٸن.
سونىمەن قاتار, ەندٸ مەملەكەتتٸك قىزمەكەرلەر, ەسكەري قىزمەتكەرلەر, ارناۋلى مەملەكەتتٸك ورگانداردا جۇمىس ٸستەيتٸندەر, بيۋدجەتتٸك ۇيىمداردىڭ باسشىلارى قۇمار ويىن ويناي المايدى. ولاردىڭ سانى شامامەن 280 مىڭ ادام.
"ولار ٷشٸن ەشقانداي ەسكەرتۋ بولمايدى. ستاۆكا جاسادىڭ با, بٸردەن جۇمىستان شىعاسىڭ", -دەدٸ مەجٸلٸسمەن.
قارجىلىق مونيتورينگ اگەنتتٸگٸ مەلٸمەتتەرٸ بويىنشا, بٷگٸندە 200 مىڭنان استام كەمەلەتكە تولماعان ازامات ٷنەمٸ قۇمار ويىن وينايدى ەكەن. دەپۋتات بەيسەنباەۆ جاسٶسپٸرٸمدەر ەنەرگەتيكالىق سۋسىندار ٸشٸپ الىپ, قۇمار ويىنعا كٸرٸپ كەتۋٸ مٷمكٸن ەكەنٸن دە ايتتى.
"ەنەرگەتيكالىق سۋسىندار الكوگولدەن دە قاۋٸپتٸ بولىپ بارادى. قازٸر تٸپتٸ 10 جاسار بالا دا ەنەرگەتيكالىق سۋسىنداردى ەركٸن ساتىپ الا الادى. وسىعان بايلانىستى, مەملەكەت باسشىسىنىڭ تاپسىرماسىن ورىنداۋ ٷشٸن 21 جاسقا دەيٸنگٸ ازاماتتارعا ەنەرگەتيكالىق سۋسىنداردى ساتۋعا تىيىم سالىندى", -دەيدٸ ە. بەيسەنباەۆ.
سونداي-اق, قۇمار ويىندارعا تەۋەلدٸ ادامداردى مەديتسينالىق وڭالتۋ تەرتٸبٸ بەلگٸلەنٸپ, ديناميكالىق ەسەپكە قويماي, ياعني مەديتسينالىق قۇپييانى ساقتاي وتىرىپ, ويىنشىلاردىڭ كونسۋلتاتسييالىق باقىلاۋلارى ەنگٸزٸلدٸ.
بايلانىس وپەراتورلارىنا قۇمار ويىندارىنىڭ جارناماسى بار حابارلامالاردى جٸبەرۋگە تىيىم سالۋ قاراستىرىلعان جەنە بۋكمەكەرلٸك كەڭسەلەر مەن كازينولاردىڭ جارناماسى بارىنشا شەكتەلگەن.
"وسى ورايدا مەن بلوگەرلەرگە, ەلەۋمەتتٸك جەلٸ ينفليۋەنسەرلەرٸنە بۋكمەكەرلٸك كەڭسەلەردٸ جارنامالاۋ جەنە ناسيحاتتاۋ ەندٸ زاڭسىز ەكەنٸن ەسكەرتكٸم كەلەدٸ. وعان 200 مىڭ تەڭگەدەن باستاپ ايىپپۇلدار قاراستىرىلعان", - دەپ ايتتى دەپۋتات.
سونىمەن قاتار زاڭ جوباسىندا شەتەلدٸك بۋكمەكەرلٸك كەڭسەلەردٸڭ, ليتسەنزيياسى جوق توتاليزاتورلاردىڭ جەنە ونلاين-كازينولاردىڭ ينتەرنەت-رەسۋرستارىنا تولىق تىيىم سالىندى. ونلاين-كازينو ۇيىمداستىرۋشىلارى ەندٸ 2 جىلعا دەيٸن باس بوستاندىعىنان ايىرىلىپ, قىلمىستىق جاۋاپكەرشٸلٸككە تارتىلادى.
جالپى, زاڭدا جٷزدەن استام جاڭا نورمالار قابىلداندى.
