Qazaqstanda pnevmoniiamen aýyrǵandap KVI juqtyrǵandardyń statistikasyna engiziletin boldy. Bul týraly «Baitaq Bolashaq» ekologiialyq aliansynyń prezidenti Azamathan Ámirtaev pikir bildirdi, dep habarlaidy QazAqparat.
«Bul - durys sheshim, sebebi pnevmoniianyń órshýi koronavirýs infektsiiasymen aýyrýǵa ákep soǵady. Test bolmai turǵan kezde adamdar dem jetpei, jótelip, súiekteri qaqsaitynyn aitatyn. Munyń bári pnevmoniianyń asqynýyna ákep soqty. Aýrýdyń asqynýy COVID-19 infektsiiasynyń bar ekenin bildiredi. Biz QR Densaýlyq saqtaý ministrin qoldaimyz», - Azamathan Ámirtaev.
Onyń aitýynsha, ctatistikany naqty bilmei, durys saiasi sheshim qabyldaý múmkin emes.
«Mysaly, 50 myń adam koronavirýs juqtyrdy desek - dári-dármek 50 myń adamǵa ǵana shaqtap jetkiziledi. Al shyn máninde aýyrǵandar sany odan kóp. Sonyń saldarynan dári-dármek jetispei, adamdar dárihanalarda kezekke turady. Biz statistikany jaqsy bilýimiz kerek, sol sebepti koronavirýs infektsiiasy men pnevmoniiany biriktirýimiz kerek. Aqparatty jasyrmai, halyqqa túsindirip aitý kerek. «Aýrýyn jasyrǵan óledi» bárin ashyq túrde aityp, túsindirgen jaǵdaida ǵana bul indetti jeńe alamyz», - deidi ol.
