Stambuldyń aýyr qylmystar jónindegi soty Ózbekstannyń eki azamatyn eki otandasyn óltirgeni úshin ómir boiyna bas bostandyǵynan aiyrdy, dep habarlaidy ult.kz.
Sot 31 jastaǵy Dilshod Týrdimýratov pen 29 jastaǵy Gafýrjon Kamolhodjaevty Dýrdona Hakimova men Saiera Ergashalievany asa qatygezdikpen óltirdi dep tanyǵan.
Budan bólek, sottalýshylardyń árqaisysyna urlyq jasaǵany úshin jeti jyldan eki ret bas bostandyǵynan aiyrý jazasy taǵaiyndaldy.
Qylmys 2026 jyldyń basynda bolǵan. 24 qańtarda Stambuldaǵy qoqys konteinerleriniń birinen bólshektelgen áieldiń denesi tabylǵan. Politsiia kúdiktilerdi anyqtap, olardy Túrkiiadan ketýge árekettengen kezde Stambul áýejaiynda ustaǵan.
Tergeý barysynda buǵan deiin sol páterde taǵy bir Ózbekstan azamatynyń qaza bolǵany anyqtalǵan. Tergeý málimetinshe, onyń da denesi bólshektelip, qaldyqtary qoqys konteinerine tastalǵan.
Sot otyrysynda aiyptalýshylardyń ustanymy ártúrli bolǵan. Gafýrjon Kamolhodjaev Saiera Ergashalievany jalǵyz ózi óltirgenin aityp, bul qylmysqa Dilshod Týrdimýratovtyń qatysy baryn joqqa shyǵarǵan.
Al Týrdimýratov sońǵy sózinde jasaǵan áreketin aqtaýǵa bolmaitynyn aityp, ókinish bildirgen.
