Ózbekstan azamaty Abdýlqadyr Masharipov kinásin moiyndady, dep habarlady Stambýl gýbernatory Vasip Shahinge silteme jasaǵan "Hiýrriet Deili” basylymy. Masharipovty túrik politsiiasy 1 qańtarda stambýldyq Reina túngi klýbynda terrorlyq shabýyl jasady degen kúdikpen ustaǵan bolatyn.
Gýbernatordyń aitýynsha, ol Aýǵanstanda daiyndyqtan ótken, "Islam memleketi" terrorlyq toby atynan áreket etken.
Abdýlqadyr Masharipovtyń ustalǵany týraly dúisenbi kúni tańerteń belgili boldy. Túrik baspasóziniń habarlaýynsha, ony stambýldyq Eseniýrt aýdanynda qolǵa túsirgen. Bir kún buryn politsiia kúdikti toqtaǵan páterden 150 myń dollar tapqan edi. Ol Stambýlǵa shabýyldan eki apta buryn kelgen.
Resmi emes málimetter boiynsha, Masharipov Túrkiiaǵa 2016 jyldyń basynda áieli men eki balasymen kóship kelip, Konia qalasynda páter jaldap turǵan. 15 jeltoqsanda ol Stambýlǵa terrorlyq shabýyl jasaý úshin barǵan.
Jańa jyl túni ol klýbqa taksimen kelgen, klýbqa jartylai avtomatty vintovka alyp kirip, adamdardy ata bastaǵan. Shabýyldan 39 adam qaza tapty, 65-i jaralandy. Qaza bolǵandar arasynda segiz eldiń azamattary bar.
