Foto: ashyq derekkóz
Shymkentte tanysynyń qolynan qaza tapqan 21 jastaǵy qyzdyń aǵasy jelide jaǵdaiǵa qatysty ún qatty, dep habarlaidy Ult.kz.
Onyń aitýynsha, kúdikti stalker bolǵan.
Marqum qyzdyń aǵasy Sultan Serikbai mán-jaidy Threads jelisindegi paraqshasynda jazdy.
"Shynymyzdy aitsaq qan jylap otyrmyz. Ár jańalyqty oqyp otyramyz. Qoldaý kórsetip otyrǵan jandarǵa raqmet aitamyz. Qazir qolymyzdan sol (“adamǵa” degen sózdi aitýǵa qimai otyrmyn) eń joǵary jazany berý ǵana keledi. Qysqasha aitqanda qaryndasym eń aqyldy, sabyrly, tuiyq, jýas qyz bolǵandyqtan barynsha basynǵan. “Joq” degen sózdi túsinbegen. Stalker bolǵan”, – dep jazdy ol. Sondai-aq marqumnyń aǵasy kópshilikten qoldaý bildirýdi surady.“Bul oqiǵany búkil jerge taratyp, qoldaýlaryńyzdy suraimyz (ádil sheshim shyǵarýǵa). Qazir bizge artyq sóz sóileýge, jazýǵa bolmaidy. Óitkeni keiin arǵy jaqtyń advokattary tyrnaq astynan kir izdeidi. “Sot protsesi” ádil ótedi degen senim bar. Bárimizge sabyr men júrek tynyshtyǵyn bersin", – dep jazdy ol.
Aita keteiik, qyzdy óltirdi degen kúdikti ustaldy.
