Grýzin ultynan shyqqan áigili orys revoliýtsioneri, sovettik memleket jáne qoǵam qairatkeri, Keńes Odaǵy Kommýnistik partiiasynyń Bas hatshysy Iosif Stalindi sońǵy saparǵa shyǵaryp salý jiynynyń videosy jariia etildi, - dep habarlaidy "Ult aqparat" "Nastoiashee Vremia" portalyna silteme jasap.
Bul tarihi oqiǵany amerikan maiory Martin Manhoff túsirip alǵan. Ol - 1950-52 jyldar aralyǵynda AQSh-tyń Sovet Odaǵyndaǵy Bas konsýldyǵynda áskeri-attashe kómekshisi bolyp qyzmet atqarǵan. Daryndy fotograf Máskeý men onyń syrtyndaǵy qalalar turmysyn beineleitin sýretter galereiasyn jinaqtaǵan. Sol kezeńde ol birneshe jyl taspada saqtalǵan áigili jiyndy da túsirip úlgergen. Tyńshylyq isi boiynsha aiyptalyp, elden qýylǵan jigit kei qundy dúnielerdi ózimen birge ala ketken. Sonyń ishinde beinejazba da bar. Al, ony Siettldan shyqqan tarihshy Dýglas Smit taýyp alyp, álem jurtshylyǵynyń nazaryna usynǵan.
Ult portaly
