Aǵymdaǵy jyldyń sáýir aiynda Kúrshim aýdanynyń prokýratýrasy ShQO boiynsha UQKD jáne Kúrshim orman sharýashylyǵynyń qyzmetkerlerimen birlesip, Maraldy aýyldyq okrýginiń «Kólshilik» ýchaskesinde reidtik is-sharalar júrgizý barysynda zańsyz altyn óndirý faktisin anyqtady, dep habarlaidy ult.kz.
Paidaly qazbalardy óndirý aýyr mamandandyrylǵan tehnika men spýtniktik bailanys quraldaryn qoldaný arqyly júzege asyrylǵany belgili boldy.
Qylmys ústinde 4 adam ustaldy, onyń ishinde memleketimizdiń Shyǵysynda zańsyz júrgen Ózbekstan Respýblikasynyń azamatyda bar. Shynjyr tabandy ekskavator, avtokólik, mototsikl, qymbat turatyn metall izdegishter, qol quraldary jáne ózge de jabdyqtar tárkilendi.
Atalǵan fakti boiynsha Qazaqstan Respýblikasy Qylmystyq kodeksiniń 295-1-babymen qylmystyq is qozǵaldy.
Qazirgi ýaqytta istiń barlyq mán-jailaryn anyqtaýǵa baǵyttalǵan jedel-tergeý is-sharalary júrgizilýde.
