Shyǵys Qazaqstan oblysynyń ákimi Nurymbet Saqtaǵanov birinshi orynbasary Jaqsylyq Omarǵa qatysty sot úkimi zańdy kúshine engennen keiin otstavkaǵa ketý týraly ótinish jazdy. Alaida onyń ótinishi qabyldanbady, dep habarlaidy ult.kz.
Bul týraly oblys ákiminiń baspasóz hatshysy Laýra Jaqupova málimdedi. Onyń aitýynsha, qoldanystaǵy zańnama talaptaryna sáikes ákim otstavkaǵa ketý týraly ótinish bergen. Alaida ótinishti qaraý barysynda Nurymbet Saqtaǵanovtyń atalǵan qylmystyq iske qatysy joq ekeni eskerilip, ony qanaǵattandyrýdan bas tartý týraly sheshim qabyldanǵan.
«Óńir ákiminiń qyzmeti barlyq baǵyt boiynsha shtattyq rejimde jalǵasyp jatyr», – dedi baspasóz hatshysy.
Eske salaiyq, buǵan deiin ShQO ákiminiń birinshi orynbasary Jaqsylyq Omar sybailas jemqorlyq jáne alaiaqtyq baptary boiynsha kináli dep tanylyp, 6 jylǵa bas bostandyǵynan aiyrylǵan bolatyn.
Tergeý málimetinshe, oǵan 20 million teńge kóleminde para alý jáne qyzmettik ókilettigin paidalanyp kólikke qatysty zańsyz áreketter jasaý boiynsha aiyp taǵylǵan. Sot sheshimimen onyń Toyota Camry kóligi tárkilenip, memlekettik nagradalary men memlekettik qyzmette jumys isteý quqyǵynan aiyryldy.
Jaqsylyq Omar birinshi satydaǵy sot úkimimen kelispei, apelliatsiialyq shaǵym túsirgen.
