شىعىس قازاقستان وبلىسىنىڭ ەكٸمٸ نۇرىمبەت ساقتاعانوۆ بٸرٸنشٸ ورىنباسارى جاقسىلىق ومارعا قاتىستى سوت ٷكٸمٸ زاڭدى كٷشٸنە ەنگەننەن كەيٸن وتستاۆكاعا كەتۋ تۋرالى ٶتٸنٸش جازدى. الايدا ونىڭ ٶتٸنٸشٸ قابىلدانبادى, دەپ حابارلايدى ult.kz.
بۇل تۋرالى وبلىس ەكٸمٸنٸڭ باسپاسٶز حاتشىسى لاۋرا جاقۇپوۆا مەلٸمدەدٸ. ونىڭ ايتۋىنشا, قولدانىستاعى زاڭناما تالاپتارىنا سەيكەس ەكٸم وتستاۆكاعا كەتۋ تۋرالى ٶتٸنٸش بەرگەن. الايدا ٶتٸنٸشتٸ قاراۋ بارىسىندا نۇرىمبەت ساقتاعانوۆتىڭ اتالعان قىلمىستىق ٸسكە قاتىسى جوق ەكەنٸ ەسكەرٸلٸپ, ونى قاناعاتتاندىرۋدان باس تارتۋ تۋرالى شەشٸم قابىلدانعان.
«ٶڭٸر ەكٸمٸنٸڭ قىزمەتٸ بارلىق باعىت بويىنشا شتاتتىق رەجيمدە جالعاسىپ جاتىر», – دەدٸ باسپاسٶز حاتشىسى.
ەسكە سالايىق, بۇعان دەيٸن شقو ەكٸمٸنٸڭ بٸرٸنشٸ ورىنباسارى جاقسىلىق ومار سىبايلاس جەمقورلىق جەنە الاياقتىق باپتارى بويىنشا كٸنەلٸ دەپ تانىلىپ, 6 جىلعا باس بوستاندىعىنان ايىرىلعان بولاتىن.
تەرگەۋ مەلٸمەتٸنشە, وعان 20 ميلليون تەڭگە كٶلەمٸندە پارا الۋ جەنە قىزمەتتٸك ٶكٸلەتتٸگٸن پايدالانىپ كٶلٸككە قاتىستى زاڭسىز ەرەكەتتەر جاساۋ بويىنشا ايىپ تاعىلعان. سوت شەشٸمٸمەن ونىڭ Toyota Camry كٶلٸگٸ تەركٸلەنٸپ, مەملەكەتتٸك ناگرادالارى مەن مەملەكەتتٸك قىزمەتتە جۇمىس ٸستەۋ قۇقىعىنان ايىرىلدى.
جاقسىلىق ومار بٸرٸنشٸ ساتىداعى سوت ٷكٸمٸمەن كەلٸسپەي, اپەللياتسييالىق شاعىم تٷسٸرگەن.
