19 qarasha kúni Germaniianyń Kotbýs qalasynda sporttyq gimnastikadan litsenziialyq álem kýbogi bastaldy, dep habarlaidy "Ult aqparat" Olympic.kz saityna silteme jasap.
Kýboktik dodaǵa Qazaqstan komandasynyń músheleri de qatysýda. Qurama úzdigi Milad Karimi erkin jattyǵýdan aqtyq synǵa ótti. Ol irikteý kezeńin úshinshi orynmen aiaqtaǵan. Miladtyń enshisinde 14.533 upai bar. Ol ázirge japoniialyq Kazýki Minami (14.866) men reseilik Kiril Prokopevke (14.666) ese jiberýde.
Gimnastikalyq at snariadynda Akim Mýsaev 9-shy orynnan kórindi. Akimniń áli de finalǵa ótetin múmkindigi bar. Al Nariman Kýrbanov 22-shi satyǵa turaqtap, aqtyq synnan syrt qaldy. Búgin ekinshi irikteý kúni ótedi. Sportshylar qossyryq, gimnastikalyq kerme jáne qol tirep sekirýden synǵa túsedi.
