Akkredittelgen sport federatsiialarynyń jaýapkershiligin kúsheitý kerek. Bul týraly QR Premer-Ministriniń orynbasary Eraly Toǵjanov aitty, dep habarlaidy QazAqparat.
«Akkredittelgen sport federatsiialarynyń jaýapkershiligin kúsheitý kerek. Memlekettik tapsyrys aiasynda 2018 jyldan 2021 jylǵa deiin Ulttyq Olimpiada komiteti men federatsiialarǵa 65 mlrd teńge bólindi. Biraq, sporttyń kóptegen túrinen oń dinamika joq. Federatsiialar qyzmetin baǵalaýdyń naqty kriteriileri bolmaýy saldarynan qarajat tiimsiz jaratylyp jatqan siiaqty. Bul búgingi kúni jumys isteýimiz qajetti eń mańyzdy máselelerdiń biri», - dedi Eraly Toǵjanov Mádeniet jáne sport ministrliginiń keńeitilgen alqa otyrysynda.
Sonymen qatar vitse-premer federatsiialardy memlekettik qarjylandyrý kólemi endigi ýaqytta qalai aiqyndalýy tiistigine qatysty oiymen bólisti. Federatsiialar basshylarynyń jaýapkershiligi tómen ekendigin de basa aitty.
«Osyǵan orai árbir olimpiadalyq tsiklge arnalǵan memorandýmdardy federatsiialarmen rásimdeý tájiribesin engizýdi tapsyramyn. Osy jyldan bastap federatsiialardy memlekettik qarjylandyrý kólemi olardyń nátijeleleri men qyzmetterine bailanysty aiqyndalýy tiis», - dedi Úkimet basshysynyń orynbasary.
