اككرەديتتەلگەن سپورت فەدەراتسييالارىنىڭ جاۋاپكەرشٸلٸگٸن كٷشەيتۋ كەرەك. بۇل تۋرالى قر پرەمەر-مينيسترٸنٸڭ ورىنباسارى ەرالى توعجانوۆ ايتتى, دەپ حابارلايدى قازاقپارات.
«اككرەديتتەلگەن سپورت فەدەراتسييالارىنىڭ جاۋاپكەرشٸلٸگٸن كٷشەيتۋ كەرەك. مەملەكەتتٸك تاپسىرىس اياسىندا 2018 جىلدان 2021 جىلعا دەيٸن ۇلتتىق وليمپيادا كوميتەتٸ مەن فەدەراتسييالارعا 65 ملرد تەڭگە بٶلٸندٸ. بٸراق, سپورتتىڭ كٶپتەگەن تٷرٸنەن وڭ ديناميكا جوق. فەدەراتسييالار قىزمەتٸن باعالاۋدىڭ ناقتى كريتەرييلەرٸ بولماۋى سالدارىنان قاراجات تيٸمسٸز جاراتىلىپ جاتقان سيياقتى. بۇل بٷگٸنگٸ كٷنٸ جۇمىس ٸستەۋٸمٸز قاجەتتٸ ەڭ ماڭىزدى مەسەلەلەردٸڭ بٸرٸ», - دەدٸ ەرالى توعجانوۆ مەدەنيەت جەنە سپورت مينيسترلٸگٸنٸڭ كەڭەيتٸلگەن القا وتىرىسىندا.
سونىمەن قاتار ۆيتسە-پرەمەر فەدەراتسييالاردى مەملەكەتتٸك قارجىلاندىرۋ كٶلەمٸ ەندٸگٸ ۋاقىتتا قالاي ايقىندالۋى تيٸستٸگٸنە قاتىستى ويىمەن بٶلٸستٸ. فەدەراتسييالار باسشىلارىنىڭ جاۋاپكەرشٸلٸگٸ تٶمەن ەكەندٸگٸن دە باسا ايتتى.
«وسىعان وراي ەربٸر وليمپيادالىق تسيكلگە ارنالعان مەموراندۋمداردى فەدەراتسييالارمەن رەسٸمدەۋ تەجٸريبەسٸن ەنگٸزۋدٸ تاپسىرامىن. وسى جىلدان باستاپ فەدەراتسييالاردى مەملەكەتتٸك قارجىلاندىرۋ كٶلەمٸ ولاردىڭ نەتيجەلەلەرٸ مەن قىزمەتتەرٸنە بايلانىستى ايقىندالۋى تيٸس», - دەدٸ ٷكٸمەت باسشىسىنىڭ ورىنباسارى.
