Foto: uiymdastyrýshylardan
«Astana» óńirlik qolbasshylyǵynyń «Spassk» oqý-jattyǵý ortalyǵynda iri aýqymdy áskeri daiyndyq jumystary bastaldy. Oǵan Astanadan, sondai-aq Aqmola, Qaraǵandy, Qostanai jáne Pavlodar oblystarynan azamattar qatysýda, dep habarlaidy Ult.kz.
Jiynnyń basty maqsaty – Qarýly kúshterdiń jaýyngerlik ázirligin arttyrý, jumyldyrý rezervin qalyptastyrý jáne suranysqa ie áskeri mamandyqtar boiynsha kadrlar daiarlaý.
Áskeri mindettiler bul kezeńde qyzmettegi áskeri qyzmetshilermen teń jaǵdaiǵa ie bolady: birdei kiim-keshek, tolyqqandy tamaqtaný, meditsinalyq qyzmet kórsetiledi. Jumys oryndary men laýazymdary saqtalyp, ortasha jalaqysy tólenedi. Al jumyssyzdarǵa memleket esebinen eń tómengi jalaqy beriledi.
– Jiynda merzimdi qyzmet kezinde jinaǵan mashyǵymyzdy jetildirip, qarý-jaraq pen áskeri tehnikanyń jańa úlgilerin meńgeremiz, – deidi Aqmola oblysy Býrabai aýdanynan shaqyrylǵan Jomart Jumabek.
30 kúnge sozylatyn daiyndyqta ofitserler áskeri basqarý baǵytynda, al mamandar artilleriia, motoatqysh, tank, zenit, jóndeý, tyl jáne bailanys bólimshelerinde qaita daiarlanady. Sońǵy kezeńde bólimsheler, vzvodtar, rotalar men batalondar quramynda jaýyngerlik úilesimdilik pysyqtalady.
Oqý-jattyǵý barysynda Qazaqstan armiiasyndaǵy sońǵy jyldardaǵy qarý-jaraq pen tehnikanyń jańarýy, olardyń tehnologiialyq múmkindikteri men tiimdiligi eskerilmek.
Eldiń qorǵanys qabiletin arttyrýǵa baǵyttalǵan bul jiyn tamyz aiynyń sońyna deiin jalǵasady.
