Foto: Starlink
Ilon Masktyń SpaceX kompaniiasy ushaq jolaýshylaryna arnalǵan Starlink Aviation joǵary jyldamdyqty spýtnik Internet qyzmetin iske qosatynyn jariialady, - dep habarlaidy Kaz.tengritravel.kz agenttigi SpaceX veb-saityna silteme jasap.
Starlink Aviation jobasynyń saity áýe lainerlerindegi qosylý jyldamdyǵy sekýndyna 350 megabitke jetetinin, bul barlyq jolaýshyǵa bir ýaqytta aǵyndyq internetke qol jetkizýge múmkindik beretinin kórsetedi.
"Nebári 20 millisekýnd kidirispen jolaýshylar buryn reisterde qoljetimdi emes áreketterdi, sonyń ishinde beine qońyraýlardy, onlain oiyndardy, virtýaldy jeke jelilerdi jáne basqa da joǵary jyldamdyqtaǵy áreketterdi oryndai alady", - delingen habarlamada.
Kompaniia 2023 jyldan bastap birqatar ushaqta ushý kezinde joǵary jyldamdyqty internetke qol jetkizýge ýáde beredi.
Ushaq bortyndaǵy baǵdarlamaǵa qosylý úshin quny 150 myń dollar turatyn arnaiy jabdyqty ornatý qajet bolady. Abonenttik tólem aiyna 12,5 myńnan 25 myń dollarǵa deiin. Jabdyqtar jiyntyǵyn SpaceX saitynda 5 myń dollarǵa brondaýǵa bolady, biraq 2023 jyly jetkizile bastaidy.
