Standard&Poor's halyqaralyq reiting agenttigi Qazaqstannyń táýelsiz kredittik reitingin "BBB-/A-3" deńgeiinde rastady, boljam "Turaqty", - dep habarlaidy "Ult aqparat" Úkimet saityna silteme jasap.
Sait málimetinshe, Qazaqstannyń reitingin qoldaityn mańyzdy faktorlar - el ekonomikasynyń turaqty fiskaldyq jáne syrtqy balanstary. Bul rette ótimdi syrtqy aktivteriniń bolýy Qazaqstannyń fiskaldyq turaqtylyǵyna oń áserin tigizedi.
"S&P memlekettik jáne syrtqy balanstar aldaǵy jyldary turaqty bolyp qala beretinin jáne yqtimal makroekonomikalyq turaqsyzdyqty jumsartý úshin jetkilikti bolatynyn atap ótti.
Bul rette, agenttiktiń málimetine sáikes, Reseige qatysty ekonomikalyq sanktsiialardyń qaitalama saldaryn eńserýge bolady jáne ol Qazaqstannyń negizgi munai jáne gaz eksporty naryqtaryna shyǵýynda irikilisterge alyp kelmeidi. Sarapshylardyń pikirinshe, Qazaqstannyń tiimdi makroekonomikalyq saiasaty ekonomikany ártaraptandyrý, jeke sektordy damytý, halyqtyń tabysyn arttyrý, investitsiialyq ahýaldy jaqsartý, salyq saiasatyn jetildirý boiynsha sharalar aiasynda jalǵasa beredi.
Budan basqa, QR UB-nyń nesielendirý baǵdarlamalarynan shyǵýy artyq teńgelik ótimdilikti tómendetedi, sondai-aq transmissiialyq mehanizmderdi jaqsartady.
Jalpy, Standard&Poor's Qazaqstan ekonomikasynyń 2022 jyly 3,6 paiyz deńgeiinde jáne 2025 jylǵa deiin orta eseppen 4 paiyzǵa jýyq ósýin boljap otyr" - delingen habarlamada.
