Politseiler reid kezinde barymtashyny mal urlap bara jatqan jerinen qolǵa túsirdi, dep habarlaidy QazAqparat.
Oqiǵa Túrkistan oblysynyń Sozaq aýdanynda bolǵan.
Túngi reidke shyqqan politseiler saǵat 03:00 shamasynda kúdik týdyrǵan «Aýdi 100» markaly avtokólikti tekserý úshin toqtatady.
Alaida kólik júrgizýshisi zań talaptaryna baǵynbaǵan.
«Politseiler shara qoldanyp, kólikti toqtatty. Tekserý barysynda kóliktiń artqy oryndyǵynan iri qara mal tabyldy. Kúdikti jergilikti turǵynnyń malyn urlap, úiine aparmaqshy bolǵan. Siyr aiǵaqty zat retinde tárkilenip, óz iesine qaitaryldy. Qazirgi tańda sotqa deiingi tergeý amaldary júrgizilip jatyr», - delingen Túrkistan oblysy politsiia departamentiniń baspasóz qyzmeti taratqan habarlamada.
