Sozaq aýdanyndaǵy Kelinshektaý eteginde ornalasqan Abai eldi mekeninde XII ǵasyrǵa tán eki balbal tas tabyldy, dep habarlaidy "Ult aqparat" OQO ákiminiń baspasóz qyzmetine silteme jasap.
Kóne tas eskertkishti jergilikti turǵyndar Qarataý jazyǵyndaǵy Arpa ózeni boiynan baiqaǵan. Er men áieldiń sulbasy qashalyp beinelengen tas, orta ǵasyrdaǵy tarihtan syr shertedi. Abai eldi mekeninen 3 shaqyrym qashyqtyqta ornalasqan Arpa ózenen erekshe tasty baiqaǵan aýyl azamattary jerden qazyp alǵan. Kóne eskertkish shyǵysqa qarap ornatylǵan.
Abai aýylynyń turǵyny Jansát Seiitov «Bir tastyń ushy shyǵyp erekshe kórindi. Aýyl azamattary jabylyp kóterip edik, jan-jaǵynan sýretter shyǵa bastady. Sonymen ol tasty bólek qoidyq. Dál sol mańaidan taǵy bir tas kórindi. Ol da jerden 3-4 sm shyǵyp tur eken. Kóterip edik, ol da qozǵalmady. Abailap qarasaq ekinshi betinde sýreti bar eken. Bizge olardy alý qyzyq boldy», - deidi.
Tabylǵan jádigerdi aýdan ákimi S. Polatov arnaiy baryp kórip, erekshe qorǵaýdy tapsyrdy. Kóne tas murajai qyzmetkerleriniń qyzyǵýshylyǵyn týdyryp otyr. Olardyń sózinshe, balbaltastar ejelgi túrki dáýirine tán. Tereń tarihtan syr sherter qundy dúnieni ǵalymdar zertteýge múddeli. Balbal tas aýdandyq S. Qojanov atyndaǵy murajaida saqtalatyn boldy.
