Sovet dissidentterine uzaq jyl boiy kómektesken Antoni de Meiiýs 90 jasynda Belgiiada qaitys boldy. Ol sovet ǵalymdarymen, quqyq qorǵaýshylarymen dostyq qatynas ornatty. 1980 jyly Sovet odaǵynan qýylǵan akademik, quqyq qorǵaýshy, Nobel syilyǵynyń laýreaty Andrei Saharovtyń otbasymen aralasty.
Antoni de Meiiýs SSSR-degi adam quqyǵy týraly astyrtyn joldarmen alynǵan aqparatty Batysqa taratyp, Cahiers du Samizdat ("Samizdat jazbalary") shyǵardy.
Ol sovettiń jazalaý psihiatriiasy jaily "SSSR dissidentteriniń biografiialyq sózdigi, 1956-1975" kitabyna engen "Aq kitapty" redaktsiialady.
Antoni Meiiýs jaily qazanamada Belgiianyń La Libre basylymy onyń 1991 jyly Máskeýdegi tamyz búligi kezinde Máskeý turǵyndary búlikshilerden tartyp alǵan tank janynda túsken fotosýretin jariialady.
1991 jylǵy tamyzdyń 19-ynda KPSS ortalyq komiteti men SSSR úkimetiniń 8 múshesinen quralǵan top tótenshe jaǵdailar jónindegi memlekettik komitet quryp, Sovet prezidenti Mihail Gorbochevti qyzmetinen taidyrmaq bolǵan edi. Sovet odaǵyn saqtap qalýǵa umtylǵan búlik úsh kúnnen keiin jeńilgen. "Tamyz búliginen" keiin kóp uzamai Sovet odaǵy ydyrai bastaǵan.
Sovet ókimeti kezinde Qazaqstanda da qýdalanǵan dissidentter men dissidenttik uiymdar bolǵan.
