2020 jyldan basynan beri elimizdiń túrmelerindegi sottalýshylarǵa 8 keli esirtki men 40 litr spirttik ishimdik jetkizbek bolǵandardyń joly kesildi. Bul týraly búgin QR Ishki ister ministrligi Qylmystyq atqarý júiesi komitetiniń tóraǵasy Janat Eshmaǵambetov aitty, dep habarlaidy QazAqparat.
«Ádette koloniiaǵa tyiym salynǵan zattardy jetkizýdiń joldary árqily. Olar - qorshaý arqyly laqtyryp ketý, azyq-túlik sálemdemesi men banderol arqyly nemese uzaq merzimdi kezdesý uiymdastyrý barysynda týystary arqyly ótkizýge tyrysý. Jyl basynan mekeme aýmaǵyna tyiym salynǵan zattardy ótkizýge tyrysýdyń 400-den astam oqiǵasynyń jolyn kestik. Shamamen 600 uialy telefon, 8 kelige jýyq esirtki jáne 40 litrden astam spirttik ishimdik tárkilendi», - dedi komitet tóraǵasy Ishki ister ministrligi alańynda ótken baspasóz máslihatynda.
Onyń atap ótýinshe, QR Ulttyq gvardiiasymen birge tekserý toby kúsheitildi. Ulttyq gvardiia jáne politsiia departamenti bólimshelerimen birge mekeme aýmaǵyn sholǵyndaý uiymdastyrylyp, qaraýyl munaralaryna baqylaý kúsheitildi. Sonymen qatar injenerlik-tehnikalyq quraldar da jetildirilip jatyr.
«Ókinishke orai, osynaý teris jaitqa qyzmetkerlerimizdiń de qatysy bar biren-saran oqiǵa oryn alǵanyn moiyndaýymyz kerek. Jyldyń basynan beri ózindik qaýipsizdik bólimshemiz mundai 8 qyzmetkerdi ustady. Olardyń barlyǵy teris qylyqtary úshin jumystan shyǵaryldy», - dedi Janat Eshmaǵambetov.
