Aqtaýdaǵy sottalǵandarǵa arnalǵan jataqhananyń qulaýynan 11 sottalýshy zardap shegip, onyń úsheýi kóz jumdy, dep habarlaidy "Ult aqparat".
«Búginde tórteýi meditsinalyq tekserýden keiin mekemege qaitaryldy jáne olardyń jaǵdaiy jaqsy. Qazirgi tańda, kóz jumǵan sottalǵandardyń jaqyn týystarymen bailanys ornatylyp, qajetti kómek kórsetilip jatyr. Zardap shekkenderdiń bireýi aýyr hálde, úsheýi ortasha deńgeide túrli jaraqat alǵan», - delingen IIM Qylmystyq-atqarý júiesi komitetiniń baspasóz qyzmeti taratqan habarlamada.
Atalǵan faktiden keiin Mańǵystaý oblysynyń Politsiia departamenti QR QK 278-babynyń 3 tarmaǵyna sáikes sotqa deiingi tergeýdi bastaǵady. Sondai-aq, arnaiy komissiia QAJ mekemesiniń aýmaǵyndaǵy barlyq ǵimarattarǵa tehnikalyq tekserý júrgizýde.
Jaǵdai IIM basshylyǵynyń erekshe baqylaýynda.
Eske salsaq, keshe Aqtaýdaǵy GM-172/6 mekemesinde sottalǵandarǵa arnalǵan jataqhanalardyń biri qulap, eki adamnyń kóz jumǵany týraly habarlaǵan bolatynbyz.
