Sottalǵandar fast-fýdqa tapsyrys bere alady. Bul týraly QR Ishki ister ministrligi Qylmystyq atqarý júiesi komitetinen málim etti, dep habarlaidy "Ult aqparat".
«Penitentsiarlyq júieni jańǵyrtý jáne reformalaý - Memleket basshysy men Ishki ister ministriniń Qylmystyq-atqarý júiesi komitetiniń aldyna qoiǵan basty mindeti. Sottalǵandarǵa arnalǵan elektrondyq dúkender servisin engizý, olardy jumysqa ornalastyrý osy protsestiń mańyzdy baǵyttary bolyp tabylady. 2019 jyldan bastap sottalǵandar úshin azyq-túlik ónimderi men birinshi kezekte qajetti taýarlardy jetkizý jónindegi mamandandyrylǵan elektrondyq dúkender qoljetimdi. Munda taýarlardyń 400-den astam ataýy usynylǵan, olardyń barlyǵy tergeý izoliatorlary men túzeý koloniialarynda satý úshin qaýipsiz sanatqa jatady», - delingen taratylǵan aqparatta.
Vedmostvo málimetinshe, taýarlar tizimi únemi tolyqtyrylyp, keńeitilip otyrady. Olardyń qatarynda azyq-túlik, sýsyndar, turmystyq himiia, keńse taýarlary, kiim-keshek bar. Sottalǵandar meiramhanalardan ystyq taǵamǵa da tapsyrys bere alady: fast-fýd, dástúrli jáne shyǵys taǵamdary, sýshi jáne pitstsa. Barlyq baǵalar qol jetimdi. Sottalǵandardyń týystary koloniiaǵa eń qajet zattardy jetkizý úshin elektrondy dúkendi qoldana alady, bul ásirese pandemiia jaǵdaiynda óte ózekti, al bailanyssyz jetkizý virýstyń túzeý mekemesi ishinde taralýyna jol bermeidi.
«2019 jyly biz QAJ mekemelerinde elektrondyq dúkenderdi engizý boiynsha pilottyq jobany iske qostyq. Joba Aqmola jáne Almaty oblystarynda jáne Almaty qalasynda júzege asyrylýda. Bolashaqta biz bul tájiribeni elimizdiń barlyq koloniialary boiynsha engizýdi josparlap otyrmyz. Bul bizdiń júiemizdi reformalaýdyń asa mańyzdy baǵyty jáne sottalǵandardyń áleýmettik beiimdelýi úshin asa mańyzdy mánge ie. Olar koloniiada turyp, ózderin qoǵamnyń bir bólshegi retinde sezine alady», - dep atap ótti QAJK tóraǵasy Janat Eshmaǵambetov.
Sonymen qatar, taǵy 4 mekemede jasalǵan memorandým aiasynda azyq-túlik ónimderi men sálemdemelerdi jetkizý jobasy iske qosyldy. Munda týystary saitta qajetti taýarlardy satyp alyp, mekemege jetkizýge tapsyrys bere alady (kýrerlik qyzmet arqyly).
Búgingi tańda Almaty qalasy, Almaty jáne Aqmola oblystarynyń QAJD mekemelerinde tórt kásipkerlik sýbekti («CONVEX CO» JShS, «VNIMANIE-Telecom» JShS, «Plehov SIZORDER» JK, «Servis prodýkt» JShS) arnaiy kontingentke arnalǵan azyq-túlik ónimderi men saýqattardy jetkizý boiynsha elektrondyq qyzmetterdi usynady. QAJK basshysynyń aitýynsha, bul jumys penitentsiarlyq júiede tsifrlandyrýdy damytýǵa baǵyttalǵan, bul ony jetildirýde oń áser etedi.
