Kisi óltirgeni úshin sottalǵan er adam Oral tergeý izoliatorynda qarnyn jaryp tastaǵan. Er adam videoúndeý túsirgen. Videoda ol ólimine politsiia tergeýshisi men úkim shyǵarǵan sýdiany kinálaýdy suraidy, - dep habarlaidy Tengrinews.kz tilshisi.
Jelide 31 naýryzda Qazaqstan Prezidentiniń, Úkimettiń jáne quqyq qorǵaý uiymdarynyń atyna joldanǵan videoúndeý paida boldy. Ol AB-170/1 mekemesinde túsirilgen. Sottalǵan Vitalii Týrenkov adam ólimine sebep bolǵanyna ókinetinin jáne onyń kisi óltirý oiynda bolmaǵanyn aitty.
"Áielimdi qorǵaýǵa shyqtym. Ol meni kómekke shaqyrdy. Mamandandyrylǵan jáne apelliatsiialyq sottar bul isti QR Konstitýtsiiasy men zańyna sáikes jan-jaqty qaramai ádiletsiz úkim shyǵardy. Isti aqshamen sheshý úshin milliondarym joq. Ólimime mamandandyrylǵan sottyń sýdiasy Ermahanovty, apelliatsiialyq sotty jáne burynǵy politsiia tergeýshisi Luqpan Ahmetovti kinálaýdy suraimyn. Ólsem de, osy isti qarańyzdar", - dedi ol.
Osy sózderden keiin Týrenkov azamattardan balalaryna bul kadrdy kórsetpeýdi surap, ishin kesedi.
