Sot júiesindegi jasalyp jatqan ózgerister men zańnamalardy jetildirýdegi basty maqsat bireý ǵana. Ol - sot tóreligin sapaly júzege asyrý. Bul - barlyq satydaǵy sottarǵa tán ári ortaq mindet.
Atalmysh másele Almaty qalasy Alataý aýdandyq sotynda «Sot tóreligin sapaly júzege asyrý – qoǵam seniminiń kepili» taqyrybynda ótkizilgen dóńgelek ústelge arqaý boldy. Aýdandyq sottyń sýdiasy Talǵat Maqýlov tóraǵalyq etken dóńgelek ústel jumysyna Alataý aýdandyq bólim prokýrory E.Aiapbergenov, Alataý aýdandyq IIB bastyǵynyń orynbasary A. Diýsebaev jáne aýdandyq sottyń basqa da sýdialary qatysty. «Sot biligi táýelsizdigimen jáne tek zańǵa ǵana baǵynýymen erekshelenedi. Ony júzege asyrýshy tulǵa bolyp tabylatyn sýdialardyń qyzmeti, mártebesi eń áýeli Konstitýtsiiamen jáne konstitýtsiialyq zańdarmen belgilengeni málim. Osy rette, sýdialar úshin zań ústemdigin qamtamasyz etý, sot tóreligin sapaly ári ýaqtyly júzege asyrý birinshi kezektegi mindet bolýy tiis», - dedi Talǵat Abdýllauly.
Budan bólek sot tóreliginiń halyqqa qoljetilimdigin qamtamasyz etý maqsatynda atqarylǵan sharalar talqyǵa tústi. Bul turǵyda BAQ betterinde quqyqtyq túsindirý jumystarynyń júrgizilýi airyqsha ataldy. Sondai-aq, sharaǵa qatysýshylar is qaraý merziminiń saqtalýyn, sot otyrystarynyń kórsetilgen ýaqytta bastalýyn, sot aktileriniń ýaqtyly berilýin, sot sheshimderiniń sot oryndaýshylary tarapynan oryndalýyn jáne basqa máselelerdi sóz etti. Óitkeni, atalmysh máselelerdiń tiisti deńgeide oryndalýy óz kezeginde sot tóreliginiń sapaly júzege asýynyń kepili bolmaq.
Ult portaly
