Sot saraptamasynyń barlyq túrlerin bir memlekettik organǵa shoǵyrlandyrý Elbasynyń «100 naqty qadam» – Ult josparynda qoiǵan mindetterine sai keledi. Ortalyq kommýnikatsiialar qyzmetinde ótken baspasóz máslihatynda Ádilet ministrligi Sot saraptama ortalyǵynyń direktory Isidor Borchashvil osylai dedi.
Spiker sot-saraptama qyzmetin jetildirý maqsatynda «Qazaqstan Respýblikasyndaǵy sot-saraptama qyzmeti týraly» zań jobasy ázirlenip, qazirgi tańda Parlament Májilisinde qaralyp jatqanyn atap ótti.
«Zań jobasy sot-meditsinalyq, sot-narkologiialyq jáne sot-psihiatrialyq saraptamalaryn júrgizý boiynsha mindetterdi Densaýlyq saqtaý ministrliginen Ádilet ministrligine berý arqyly saraptama mindetterin bir memlekettik organda ortalyqtandyrýdy, sot-saraptama qyzmetiniń maqsattaryn keńeitýdi, jeke sot sarapshylar institýtyn damytýdy, sondai-aq Sot sarapshylar palatasyn qurýdy kózdeidi», – dep málimdedi I.Borchashvil.
Ol Ult josparynyń negizgi baǵyttaryn júzege asyrý aiasynda jeke sot sarapshylar institýtyn damytý arqyly jalpy sot-saraptama qyzmetiniń sapasyn arttyrý kózdelgenin jetkizdi. «Sot sarapshylar palatasy jeke sot sarapshylardyń qyzmetin úilestirýmen ainalysady», – dedi Ortalyq direktory. Óz kezeginde Sot meditsina ortalyǵy direktorynyń orynbasary Rýslan Satybaldiev ortalyqtyń Ádilet ministrligi qurylymyna aýysqaly beri sot saraptamalaryn júrgizýdegi quqyqtyq máseleleri jaqsarǵanyn atap ótti.
Sot meditsina ortalyǵy buryn Densaýlyq saqtaý jáne áleýmettik damý ministrliginiń qaramaǵynda bolǵan, al ótken jyldyń 1 qańtarynan bastap Ádilet ministrliginiń qurylymyna aýysty. Sol sebepten de shilde aiynda sot-narkologiialyq saraptamasyn júrgizý fýnktsiiasy, al biylǵy jyldyń 1 shildeden bastap sot-psihiatriialyq saraptamasy Ádilet ministrligine berilgen. «Qazirgi tańda Sot-meditsina ortalyǵy qylmystyq, azamattyq ister jáne ákimshilik quqyq buzýshylyq ister boiynsha sot-meditsinalyq, sot-narkologiialyq jáne sot-psihiatriialyq saraptamalar júrgizedi, – dedi ol.
Aita keteiik, qazirgi ýaqytta sot-meditsinasy qyzmeti salasynda 682 sarapshy qyzmet etedi, sonyń ishinde 4 meditsina ǵylymdarynyń doktory, 26 ǵylym kandidaty, 221 joǵary sanatty sarapshy bar.
Aidar ÓRISBAEV,
«Egemen Qazaqstan»
.jpeg)