Elimizde sot protsesterdiń 95 paiyzy qashyqtan ótip jatyr. Bul týraly QR sýdialarynyń VIII sezinde Joǵarǵy sot tóraǵasy Jaqyp Asanov aitty, dep habarlaidy QazAqparat.
«Sýdialar sezi – dástúrli basqosý. Qazylardyń quryltai jiyny deýge bolady. Onyń shirek ǵasyrlyq tarihy bar. Asyǵa kútetin mártebeli jiyn. Sot júiesiniń búginin baǵalap, keleshegin aiqyndaý úshin bul sharanyń mańyzy óte zor. Biylǵy basqosýdyń 2 ereksheligi bar.
Birinshisi, búkil álem pandemiiany bastan keshirýde. Sottar da jańa jumys tásiline kóshti. Basty mindet: halyq densaýlyǵyn saqtai otyryp, olardyń quqyqtaryn qorǵaý. Protsesterimizdiń 95 paiyzy qashyqtyqtan ótýde. Kúnine 4,5 myńǵa deiin onlain-protsess. Búgingi sharamyz da osyndai rejimde ótýde», - dedi Jaqyp Asanov.
Joǵarǵy sot tóraǵasy ekinshi erekshelik retinde jiynǵa shetelden de sarapshylar qatysyp otyrǵanyn aitty.
«Jiynymyzǵa Resei, Ózbekstan, Qyrǵyzstan, Tájikstan sottarynyń basshylary, Germaniia, Estoniia, AHQO, Evraziialyq ekonomikalyq odaqtyń sýdialary, shet memleket elshileri, halyqaralyq uiymdardyń ókilderi qatysyp otyr. Demek, sezimiz halyqaralyq mártebege ie degen sóz. Sońǵy kezde júiemizde biraz ózgeris boldy. Olar Elbasynyń Ult josparynan, Memleket basshysynyń Joldaýlarynan týyndaidy. Sonyń arqasynda sot júiesi jańa kezeńge qadam basty deýge bolady.
«50 jylda el jańa» demekshi, qoǵam tez ózgerýde. Sot ta zamanǵa qarai ózgerý kerek ekenin túsinemiz», - dedi ol.
