Foto:RFE/RL
Bas prokýrordyń orynbasary Áset Shyndaliev eks-ministr Qýandyq Bishimbaevtyń isine qatysty pikir bildirdi dep habarlaidy «Ult Aqparat».
«Bishimbaevtyń isi boiynsha obektivti sot bolady dep oilaimyn. Sot ashyq túrde ótip jatyr. Barlyǵy obektivti bolady», - dedi Shyndaliev jýrnalisterge.
Eske salsaq, 12 naýryzda Qýandyq Bishimbaevtyń isine qatysty sottyń aldyn ala tyńdaýy ótip, sot alqa bilerdiń qatysýymen ótetini aitylǵan. Bas prokýrordyń orynbasary alqa bilerdiń para alǵany anyqtalsa jaýapqa tartylatyndaryn aitty.
«Alqabilerge de qatysty jaýapkershilik bar. Eger ondai faktiler(para alý. red) anyqtalsa, alqabilerdi taratýy múmkin», - deidi Áset Shyndaliev.
Al sot otyrysyna eki kún boiy jýrnalisterdiń kire almaýyna qatysty Bas prokýrordyń orynbasary bylai dedi:
«Barlyq qamaýda otyrǵan adamdy kúzettiń qorshaýymen sotqa alyp keledi. Ol Bishimbaev qana emes, barlyq qamaýdaǵylarǵa solai. Sot degen teleshoý emes qoi, onda tártip bolýy kerek. Sizderge ekranǵa tikelei efirden ne bolyp jatqanynyń barlyǵy transiatsiia arqyly kórsetildi», -dep otyr ol.
Jýrnalisterdiń suraǵyna qysqasha jaýap berip, sytylyp ketpek bolyp, júgire bergende Shyndalievtiń aldynda turǵan Bas prokýratýranyń parlamenttegi resmi ókili Meirambai Kemalov jerge qulap tústi. Kemelov ornynan turǵannan keiin Bas prokýrordyń orynbasary ary qaratai júgirip, esikti jaýyp aldy.
