فوتو:RFE/RL
باس پروكۋروردىڭ ورىنباسارى ەسەت شىنداليەۆ ەكس-مينيستر قۋاندىق بيشٸمباەۆتىڭ ٸسٸنە قاتىستى پٸكٸر بٸلدٸردٸ دەپ حابارلايدى «ۇلت اقپارات».
«بيشٸمباەۆتىڭ ٸسٸ بويىنشا وبەكتيۆتٸ سوت بولادى دەپ ويلايمىن. سوت اشىق تٷردە ٶتٸپ جاتىر. بارلىعى وبەكتيۆتٸ بولادى», - دەدٸ شىنداليەۆ جۋرناليستەرگە.
ەسكە سالساق, 12 ناۋرىزدا قۋاندىق بيشٸمباەۆتىڭ ٸسٸنە قاتىستى سوتتىڭ الدىن الا تىڭداۋى ٶتٸپ, سوت القا بيلەردٸڭ قاتىسۋىمەن ٶتەتٸنٸ ايتىلعان. باس پروكۋروردىڭ ورىنباسارى القا بيلەردٸڭ پارا العانى انىقتالسا جاۋاپقا تارتىلاتىندارىن ايتتى.
«القابيلەرگە دە قاتىستى جاۋاپكەرشٸلٸك بار. ەگەر ونداي فاكتٸلەر(پارا الۋ. رەد) انىقتالسا, القابيلەردٸ تاراتۋى مٷمكٸن», - دەيدٸ ەسەت شىنداليەۆ.
ال سوت وتىرىسىنا ەكٸ كٷن بويى جۋرناليستەردٸڭ كٸرە الماۋىنا قاتىستى باس پروكۋروردىڭ ورىنباسارى بىلاي دەدٸ:
«بارلىق قاماۋدا وتىرعان ادامدى كٷزەتتٸڭ قورشاۋىمەن سوتقا الىپ كەلەدٸ. ول بيشٸمباەۆ قانا ەمەس, بارلىق قاماۋداعىلارعا سولاي. سوت دەگەن تەلەشوۋ ەمەس قوي, وندا تەرتٸپ بولۋى كەرەك. سٸزدەرگە ەكرانعا تٸكەلەي ەفيردەن نە بولىپ جاتقانىنىڭ بارلىعى ترانسياتسييا ارقىلى كٶرسەتٸلدٸ», -دەپ وتىر ول.
جۋرناليستەردٸڭ سۇراعىنا قىسقاشا جاۋاپ بەرٸپ, سىتىلىپ كەتپەك بولىپ, جٷگٸرە بەرگەندە شىنداليەۆتٸڭ الدىندا تۇرعان باس پروكۋراتۋرانىڭ پارلامەنتتەگٸ رەسمي ٶكٸلٸ مەيرامباي كەمالوۆ جەرگە قۇلاپ تٷستٸ. كەمەلوۆ ورنىنان تۇرعاننان كەيٸن باس پروكۋروردىڭ ورىنباسارى ارى قاراتاي جٷگٸرٸپ, ەسٸكتٸ جاۋىپ الدى.
