Sot tutynýshylar quqyǵyn qorǵaý komitetiniń «Bek Eir» AQ-na qatysty ekinshi talabyn qanaǵattandyrdy, dep habarlaidy "Ult aqparat" komitettiń baspasóz qyzmetine silteme jasap.
Búgin, 24 shildede Almaty qalasynyń Túrksib aýdandyq soty Tutynýshylar quqyǵyn qorǵaý komitetiniń «Bek Eir» AQ áýekompaniiasyna qatysty ekinshi talap-aryzyn qanaǵattandyrdy. Komitet atalmysh kompaniiadan jasalmaǵan reister úshin jolaýshylarǵa bilet qunyn qaitarýdy talap etken bolatyn.
Komitet 81 adamnyń múddesin qorǵap (satyp alynǵan 177 bilet), sotqa shaǵym túsirgen. Talap-aryz 5,9 mln teńgeni qurady.
Eske sala keteiik, sotqa ekinshi talap-aryz 2020 jylǵy 3 shildede berilgen.
Komitettiń talaby mynadai:
1. «Bek Eir» AQ qyzmetin tutynýshylardyń kinásinsiz joiylǵan aviareisterge buryn satyp alynǵan biletterdiń tolyq qunyn óteý quqyǵyn taný.
2. Jaýapkerdi tutynýshynyń kinásinsiz joiylǵan aviareisterge satyp alynǵan biletterdiń tolyq qunyn óteýge májbúrleý.
3. «Bek Eir» AQ-nan tutynýshylar paidasyna aviabilet úshin tólengen somany óndirip alý.
Sot sheshimi zańdy kúshine engennen keiin komitet tutynýshylarǵa aqshany tez arada qaitarýǵa járdemdesedi.
