سوت تۇتىنۋشىلار قۇقىعىن قورعاۋ كوميتەتٸنٸڭ «بەك ەير» اق-نا قاتىستى ەكٸنشٸ تالابىن قاناعاتتاندىردى, دەپ حابارلايدى "ۇلت اقپارات" كوميتەتتٸڭ باسپاسٶز قىزمەتٸنە سٸلتەمە جاساپ.
بٷگٸن, 24 شٸلدەدە الماتى قالاسىنىڭ تٷركسٸب اۋداندىق سوتى تۇتىنۋشىلار قۇقىعىن قورعاۋ كوميتەتٸنٸڭ «بەك ەير» اق ەۋەكومپانيياسىنا قاتىستى ەكٸنشٸ تالاپ-ارىزىن قاناعاتتاندىردى. كوميتەت اتالمىش كومپانييادان جاسالماعان رەيستەر ٷشٸن جولاۋشىلارعا بيلەت قۇنىن قايتارۋدى تالاپ ەتكەن بولاتىن.
كوميتەت 81 ادامنىڭ مٷددەسٸن قورعاپ (ساتىپ الىنعان 177 بيلەت), سوتقا شاعىم تٷسٸرگەن. تالاپ-ارىز 5,9 ملن تەڭگەنٸ قۇرادى.
ەسكە سالا كەتەيٸك, سوتقا ەكٸنشٸ تالاپ-ارىز 2020 جىلعى 3 شٸلدەدە بەرٸلگەن.
كوميتەتتٸڭ تالابى مىناداي:
1. «بەك ەير» اق قىزمەتٸن تۇتىنۋشىلاردىڭ كٸنەسٸنسٸز جويىلعان اۆيارەيستەرگە بۇرىن ساتىپ الىنعان بيلەتتەردٸڭ تولىق قۇنىن ٶتەۋ قۇقىعىن تانۋ.
2. جاۋاپكەردٸ تۇتىنۋشىنىڭ كٸنەسٸنسٸز جويىلعان اۆيارەيستەرگە ساتىپ الىنعان بيلەتتەردٸڭ تولىق قۇنىن ٶتەۋگە مەجبٷرلەۋ.
3. «بەك ەير» اق-نان تۇتىنۋشىلار پايداسىنا اۆيابيلەت ٷشٸن تٶلەنگەن سومانى ٶندٸرٸپ الۋ.
سوت شەشٸمٸ زاڭدى كٷشٸنە ەنگەننەن كەيٸن كوميتەت تۇتىنۋشىلارعا اقشانى تەز ارادا قايتارۋعا جەردەمدەسەدٸ.
