Foto: TJM
Tótenshe jaǵdailar vitse-ministri Kegen Tursynbaevtyń aitýynsha, 25 shildede radardan joǵalǵan áskeri tikushaqty izdeý kezinde Sorbulaq sý qoimasynyń jartysy zertteldi, dep habarlaidy Ult.kz.
Jaqyn mańnan tikushaqtyń birneshe bólshegi tabylǵan. Qazir izdestirý jumystary tańnan keshke deiin jalǵasyp jatyr. Sý qoimasynyń tereńdigi 5–25 metrge deiin jetedi, túbi batpaq, laidan kóriný múmkindigi tómen.
Izdeý jumystary Qorǵanys ministrliginiń basshylyǵymen júrgizilýde. Al TJM tarapynan barlyq qajetti kúsh-quraldar tartylǵan.
Eske salaiyq, 25 shildede Almaty oblysynda josparly ushý kezinde Áýe qorǵanysy kúshteriniń EC-145 tikushaǵy radardan joǵalyp ketken bolatyn.
