Foto: rsute.ru
Oqý-aǵartý ministri Ǵani Beisembaev sońǵy qońyraý kúnin 25 mamyrǵa qaitarý kóptegen ózgeriske alyp keletinin aitty, dep habarlaidy Sputnik Qazaqstan.
Úkimet kýlýarynda jýrnalister kelesi jyly sońǵy qońyraý 25 mamyrǵa qaitarylýy múmkin be dep surady.
"Bul máselege qatysty birinshi kezekte mamandar sheshim qabyldaýy kerek. Óitkeni bul jai ǵana 25 mamyrǵa qaitara salý emes. Bul naqty memlekettik standarttyń, baǵdarlamanyń 36 aptaǵa sozylýyna qatysty dúnie. Endi ony birden qalpyna keltirý basqa da ózgeristerge alyp keledi. Iaǵni alty kúndik oqý josparyna nemese pándegi oqý saǵattarynyń qysqarýyna alyp kelýi múmkin. Bul jai ǵana qaitara salatyn dúnie emes", - dep jaýap berdi Beisembaev.
Ministr bilim salasyndaǵy mundai sheshimdi jiti, durys saraptaýdan ótkizip baryp qana qabyldaý kerek ekenin atap ótti.
