فوتو: rsute.ru
وقۋ-اعارتۋ مينيسترٸ عاني بەيسەمباەۆ سوڭعى قوڭىراۋ كٷنٸن 25 مامىرعا قايتارۋ كٶپتەگەن ٶزگەرٸسكە الىپ كەلەتٸنٸن ايتتى, دەپ حابارلايدى Sputnik قازاقستان.
ٷكٸمەت كۋلۋارىندا جۋرناليستەر كەلەسٸ جىلى سوڭعى قوڭىراۋ 25 مامىرعا قايتارىلۋى مٷمكٸن بە دەپ سۇرادى.
"بۇل مەسەلەگە قاتىستى بٸرٸنشٸ كەزەكتە ماماندار شەشٸم قابىلداۋى كەرەك. ٶيتكەنٸ بۇل جاي عانا 25 مامىرعا قايتارا سالۋ ەمەس. بۇل ناقتى مەملەكەتتٸك ستاندارتتىڭ, باعدارلامانىڭ 36 اپتاعا سوزىلۋىنا قاتىستى دٷنيە. ەندٸ ونى بٸردەن قالپىنا كەلتٸرۋ باسقا دا ٶزگەرٸستەرگە الىپ كەلەدٸ. ياعني التى كٷندٸك وقۋ جوسپارىنا نەمەسە پەندەگٸ وقۋ ساعاتتارىنىڭ قىسقارۋىنا الىپ كەلۋٸ مٷمكٸن. بۇل جاي عانا قايتارا سالاتىن دٷنيە ەمەس", - دەپ جاۋاپ بەردٸ بەيسەمباەۆ.
مينيستر بٸلٸم سالاسىنداعى مۇنداي شەشٸمدٸ جٸتٸ, دۇرىس ساراپتاۋدان ٶتكٸزٸپ بارىپ قانا قابىلداۋ كەرەك ەكەنٸن اتاپ ٶتتٸ.
