Foto: nazarmedia.kz
Sońǵy bes jyldyń ishinde qazaqstandyq mamandar jasóspirimderdiń arasyndaǵy júktiliktiń 43%-ǵa, bosanýdyń 42%-ǵa tómendegenin, al abort kórsetkishiniń 30%-ǵa azaiǵanyn aitady, dep habarlaidy Ult.kz.
2025 jylǵy 1 qańtardaǵy derek boiynsha elimizde 15-17 jas aralyǵyndaǵy jasóspirimderdiń sany – 1 041 540 adamdy, onyń ishinde qyzdar – 506 436-ny, uldar – 535 104-ti quraidy. Bul týraly Ortalyq kommýnikatsiialar qyzmetinde ótken baspasóz máslihatynda aityldy.
Aita keteiik 12-16 mamyr aralyǵynda Qazaqstannyń barlyq óńirlerinde reprodýktivti densaýlyq aptalyǵy ótedi.
Aktsiianyń maqsaty – halyqtyń reprodýktivti densaýlyǵyn nyǵaitý, otbasyn josparlaý, pregravidarlyq daiyndyq, jynystyq jolmen beriletin infektsiialardyń aldyn alý týraly habardarlyqty arttyrý jáne ásirese jasóspirimder men jastar arasynda reprodýktivti minez-qulyq máselelerine jaýapkershilikpen qaraýdy qalyptastyrý.
Apta aiasynda búkil el boiynsha is-sharalar kesheni, onyń ishinde alǵashqy meditsinalyq-sanitarlyq kómek uiymdarynda jáne 103 Jastar densaýlyq ortalyqtarynda (JDO) Ashyq esik kúnderi, ginekologtardyń, ýrologtardyń, dermatovenerologtardyń, psihologtardyń jáne áleýmettik qyzmetkerlerdiń tegin konsýltatsiialary ótkiziledi. Sarapshylar otbasyn josparlaý, vaktsinatsiia múmkindikteri, AITV/JJBI aldyn alý, áielder men mýjchin pregravidarlyq daiarlyǵy taqyryptarynda oqytý seminarlaryn, dárister men baiandamalar ótkizedi.
Apta aiasynda aqparattyq-aǵartý is-sharalary, densaýlyq ortalyqtarynda ashyq esik kúnderi, jasóspirimderge arnalǵan tegin meditsinalyq tekserýler men keńester uiymdastyrylady.
