Foto: gov.kz
Sońǵy aptada elde JRVI-diń 183 074 jaǵdaiy tirkeldi, bul ótken maýsymnyń uqsas aptasynan 16%-ǵa joǵary. Muny Ortalyq kommýnikatsiialar qyzmetinde ótken brifingte Densaýlyq saqtaý birinshi vitse-ministri Timýr Sultanǵaziev málimdedi, dep habarlaidy Ult.kz.
Densaýlyq saqtaý ministrliginiń Sanitariialyq-epidemiologiialyq baqylaý komitetiniń málimetinshe, jyl saiyn respýblikada 3–4 millionǵa deiin JRVI jaǵdaiy jáne 2 myńǵa deiin tumaý jaǵdaiy tirkeledi.
Aǵymdaǵy epidemiologiialyq maýsymnyń basynan bastap (aǵymdaǵy jyldyń 1 qyrkúieginen bastap) JRVI-diń 1 461 819 jaǵdaiy tirkeldi, bul ótken 2024-2025 jyldardaǵy epidemiialyq maýsymnyń uqsas kezeńimen salystyrǵanda 20%-ǵa tómen (1 678 904 jaǵdai).
Maýsym basynan beri tumaýdyń 590 zerthanalyq rastalǵan jaǵdaiy anyqtaldy, onyń ishinde:
587 jaǵdai — A tipi (H3N2), Qazaqstanda 2001 jyldan beri ainalymda júrgen «Gonkong tumaýy»;
3 jaǵdai - A tipi (H1N1).
Aýrýdyń jalpy qurylymynda 0-14 jastaǵy balalar 66%-dy, eresekter 34%-dy quraidy.
Sońǵy aptada oqýshylardyń arasynda JRVI-diń 6 myńnan astam jaǵdaiy jáne tumaýdyń 13 jaǵdaiy tirkeldi; epideprotseske oqýshylardyń shamamen 4%-y tartyldy.
"Elimizdiń statsionarlarynda 10 829 infektsiialyq tósek ornalastyrylǵan, onyń 76%-y qazir jumys isteidi. Infektsiialyq bólimshelerdiń shamadan tys júktelýi baiqalmaidy - barlyq óńirlerde syrqattanýshylyqtyń odan ári ósýi jaǵdaiynda tósekterdiń jetkilikti rezervi bar. Densaýlyq saqtaý ministrligi epidemiologiialyq jaǵdaiǵa turaqty monitoring júrgizýdi jalǵastyrýda jáne azamattardy: jappai jinalatyn jerlerden aýlaq bolý, úi-jailardy jii jeldetý, qoldy antiseptiktermen tazartý jáne aýrýdyń alǵashqy belgilerinde balalardy úide qaldyrý siiaqty profilaktikalyq sharalardy saqtaýǵa shaqyrady", - dedi vitse-ministr.
Aita keteiik sońǵy ýaqytta astanalyqtar dárihanalardaǵy virýsqa qarsy dárilerdiń jetispeýine shaǵymdana bastaǵan. Jýrnalisterdiń suraǵyna jaýap bergen ministrlik ókilderi virýsqa qarsy «Flývir», «Flýkap» syndy dárilerge suranys artqanyn aityp, qosymsha dáriler alyp kelinip, dárihanalarǵa taratylyp jatqanyn jetkizdi.
