Elimizde sońǵy 7,5 jyldyń ishinde Indýstriialandyrý kartasy aiasynda jalpy somasy 5,1 trln. teńge bolatyn 1060 joba qolǵa alynyp, 100 myńnan astam turaqty jumys oryndary ashylǵan. Bul týraly «Nur Otan» partiiasynyń Ortalyq apparatynda ótken partiialyq tyńdaýda belgili boldy.
Indýstrialdy-innovatsiialyq damýdyń 2015-2019 jyldarǵa arnalǵan memlekettik baǵdarlamasyn júzege asyrý barysy jóninde baiandama jasaǵan Investitsiialar jáne damý ministri Jeńis Qasymbek tek osy jyldyń ótken 8 aiynda ǵana 489,8 mlrd. teńgeni quraityn 32 joba júzege asyrylyp, 3,9 myń jumys orny ashylǵanyn aitty.
Munyń bári Elbasymyzdyń eren eńbeginiń jemisi ekenin aitqan «Nur Otan» partiiasy Tóraǵasynyń Birinshi orynbasary Muhtar Qul-Muhammed: «Memleket basshysynyń álemniń eń damyǵan alpaýyt elderine jasaǵan resmi saparlarynyń nátijesinde elimizge búkil dúniejúzine tanymal asa iri kompaniialar kelip, ekonomikamyzǵa milliardtaǵan dollar investitsiia saldy jáne eń ozyq tehnologiialardy ákeldi. Sondyqtan partiia Elbasy tapsyrmalarynyń ýaqytynda oryndalýyn erekshe baqylaýda ustaidy», – dedi.
Jalpy Sailaýaldy baǵdarlamanyń barlyq 12 baǵytyn, sonyń ishinde indýstrialdy-innovatsiialyq damý baǵdarlamasyn júzege asyrý barysyn partiialyq komissiia ortalyq jáne jergilikti deńgeide únemi baqylap, turaqty túrde monitoring júrgizip otyrady. Is-sharada Partiialyq monitoringtiń nátijeleri jóninde Parlament Májilisiniń depýtaty Arman Qojahmetov baiandap berdi.
Partiialyq tyńdaýǵa «Nur Otan» partiiasy Parlament Májilisindegi fraktsiiasynyń jetekshisi Gúlmira Isimbaeva, Májilis Tóraǵasynyń orynbasary Vladimir Bojko, Májilis depýtattary, «Indýstrialdy damý» baǵytyndaǵy partiialyq komissiia músheleri, birqatar vitse-ministrler jáne beinebailanys arqyly barlyq oblys ákimdikteriniń ókilderi qatysty.
.jpeg)