Soltústik Qazaqstan oblysynyń Aiyrtaý aýdanyndaǵy «Botai qonysy» arheologiialyq eskertkishinde «Botai. Ǵaiyp ǵalam» atty tolyqmetrajdy shytyrman oqiǵaly filmniń túsirilimi júrip jatyr, dep habarlaidy ult.kz.
Joba Ulttyq kinony qoldaý memlekettik ortalyǵynyń qoldaýymen júzege asyrylýda. Filmniń avtorlary tarihi murany zamanaýi kino tili arqyly tanystyryp, óńirde kinotýrizmdi damytýǵa serpin berýdi kózdeidi.
Botai qonysy – adamzat tarihynda jylqy alǵash qolǵa úiretilgen oryndardyń biri retinde álemdik mańyzǵa ie arheologiialyq eskertkish. Joba avtorlarynyń pikirinshe, filmniń jaryqqa shyǵýy Soltústik Qazaqstan oblysyna, ásirese Aiyrtaý aýdanyna keletin týrister sanyn arttyryp, tarihi-mádeni týrizmniń damýyna yqpal etedi.
Túsirilim alańyna «Kazakh Tourism» ulttyq kompaniiasynyń basqarma tóraǵasy Talǵat Ǵazizov arnaiy baryp, shyǵarmashylyq toptyń jumysymen tanysty. Kezdesý barysynda kinotýrizm (screen tourism) baǵytyn damytý jáne filmde kórsetiletin tarihi oryndardy týristik marshrýttarǵa engizý máseleleri talqylandy.
Mamandardyń aitýynsha, filmde kórsetiletin tabiǵi jáne tarihi lokatsiialar aldaǵy ýaqytta biregei týristik baǵyttardyń negizine ainalýy múmkin.
Kartinada basty rólderdi Rýslan Asylbek, Viacheslav Nikiforov jáne Aida Qurmanǵalieva somdaidy. «Botai. Ǵaiyp ǵalam» filmin kórermenge 2027 jyldyń mamyr aiynda usyný josparlanyp otyr.
