Soltústik Koreia Japon teńizine qarai taǵy eki ballistikalyq zymyran ushyrdy. KHDR SIM málimdegendei, Phenian AQSh pen onyń odaqtastarynyń Korei túbegi aimaǵyndaǵy áreketterine bailanysty óz qaýipsizdigin qamtamasyz etý úshin qajetti sharalardy qabyldap jatyr, dep habarlaidy QazAqparat Euronews-ke silteme jasap.
Sońǵy kúnderi Soltústik Koreianyń zymyran ushyrýynan keiin aimaqtaǵy jaǵdai ýshyǵyp ketti. BUU Qaýipsizdik Keńesiniń shuǵyl otyrysynda AQSh-tyń turaqty ókili Linda Tomas-Grinfild Phenianǵa qatysty sanktsiia rejimin kúsheitýge shaqyrdy.
«Biz BUU-ǵa múshe barlyq memleketti, ásirese Qaýipsizdik keńesiniń múshelerin aqylǵa syimaityn osy áreketti aiyptaýǵa qosylýǵa jáne KHDR-dy óziniń zańsyz qarý-jaraq baǵdarlamalarynan tolyq, tekseriletin jáne qaitymsyz túrde bas tartýǵa, sondai-aq iadrolyq qarýsyzdandyrý baǵytynda diplomatiiany qoldanýǵa shaqyramyz», - dedi BUU janyndaǵy AQSh-tyń turaqty ókili Linda Tomas-Grinfild.
Soǵan qaramastan, Qaýipsizdik keńesiniń otyrysy nátijesiz aiaqtaldy. Resei men Qytai AQSh-tyń málimdemesine jaýap retinde Vashingtondy aimaqtaǵy teketiresti kúsheitpei, kerisinshe bitimgershilik jolyna túsýge shaqyrdy.
Buǵan deiin habarlanǵandai, sońǵy 5 jyl ishinde alǵash ret 4 qazan kúni Soltústik Koreia Japoniia aýmaǵy ústinen ballistikalyq zymyran ushyrdy. Japoniia biligi soltústik-shyǵys aimaqtardyń turǵyndaryn ýaqytsha evakýatsiialaýǵa jáne poiyzdardyń jumysyn toqtatýǵa májbúr boldy.
«KHDR-diń ballistikalyq zymyrandaryn ushyrýy aimaqtaǵy turaqsyzdyqtyń ósýine ákelýi múmkin», - dep atap ótti BUU Qaýipsizdik Keńesiniń otyrysynda BUU Bas hatshysynyń Taiaý Shyǵys, Aziia jáne Tynyq muhity boiynsha kómekshisi Haled Hiari.
