Soltústik Qazaqstan oblysyndaǵy Mamliýtka-Qostanai tas jolynda 16 jolaýshysy bar avtobýs jyraǵa túsip ketti. Apattan eshkim zardap shekken joq, biraq adamdar úsip qala jazdady, – dep habarlaidy «Qazavtojol» AQ.
Jol apaty búgin boldy. «KAVZ-4238» qoǵamdyq kóliginiń júrgizýshisi kólikti basqara almai qalyp, jyraǵa túsip ketken. Avtobýsta 16 jolaýshy bolǵan, olardyń qatarynda bes jasar bala da bar.
Degenmen júrgizýshi amal tabady. Ol tas jolǵa shyǵyp, osy baǵyttaǵy avtobýsty toqtatyp, barlyq jolaýshyny otyrǵyzyp jiberedi. Qurbandar men zardap shekkender joq.
Qazir «Qazavtojol» qyzmetkerleri jyraǵa túsip ketken kólikti shyǵarýǵa kómektesip jatyr. Apattyń aldyn ala sebebi – kólik quralynyń tehnikalyq aqaýy.
Eske salsaq, 27 qarasha kúni 45 jolaýshysy bar avtobýs Almaty – Tashkent tas jolynda turyp qalǵan bolatyn. Ol da tehnikalyq aqaý shyǵyp, synyp qalǵan edi. Kólikte 45 qazaqstandyq bolǵan, onyń beseýi – balalar.
