سولتٷستٸك قازاقستان وبلىسىنداعى مامليۋتكا-قوستاناي تاس جولىندا 16 جولاۋشىسى بار اۆتوبۋس جىراعا تٷسٸپ كەتتٸ. اپاتتان ەشكٸم زارداپ شەككەن جوق, بٸراق ادامدار ٷسٸپ قالا جازدادى, – دەپ حابارلايدى «قازاۆتوجول» اق.
جول اپاتى بٷگٸن بولدى. «كاۆز-4238» قوعامدىق كٶلٸگٸنٸڭ جٷرگٸزۋشٸسٸ كٶلٸكتٸ باسقارا الماي قالىپ, جىراعا تٷسٸپ كەتكەن. اۆتوبۋستا 16 جولاۋشى بولعان, ولاردىڭ قاتارىندا بەس جاسار بالا دا بار.
دەگەنمەن جٷرگٸزۋشٸ امال تابادى. ول تاس جولعا شىعىپ, وسى باعىتتاعى اۆتوبۋستى توقتاتىپ, بارلىق جولاۋشىنى وتىرعىزىپ جٸبەرەدٸ. قۇرباندار مەن زارداپ شەككەندەر جوق.
قازٸر «قازاۆتوجول» قىزمەتكەرلەرٸ جىراعا تٷسٸپ كەتكەن كٶلٸكتٸ شىعارۋعا كٶمەكتەسٸپ جاتىر. اپاتتىڭ الدىن الا سەبەبٸ – كٶلٸك قۇرالىنىڭ تەحنيكالىق اقاۋى.
ەسكە سالساق, 27 قاراشا كٷنٸ 45 جولاۋشىسى بار اۆتوبۋس الماتى – تاشكەنت تاس جولىندا تۇرىپ قالعان بولاتىن. ول دا تەحنيكالىق اقاۋ شىعىپ, سىنىپ قالعان ەدٸ. كٶلٸكتە 45 قازاقستاندىق بولعان, ونىڭ بەسەۋٸ – بالالار.
