Foto: Rico_Loeb
"Astana – Petropavl" avtojolynda jantúrshigerlik jol apaty bolyp, tórt adam qaza boldy, dep habarlaidy Soltústik Qazaqstan oblystyq politsiia departamenti.
Qaiǵyly oqiǵa 8 qańtarda boldy. "Toyota Camry" jáne "Shacman" avtokólikteri soqtyǵysqan.
"Jeńil avtokóliktiń júrgizýshisi men onyń úsh jolaýshysy qaza taýyp, qylmystyq is qozǵaldy. Aldyn ala málimet boiynsha "Toyota Camry" qarsy qozǵalys jolaǵyna shyǵyp ketken", - deidi politsiia.
Kólik rólinde 24 jastaǵy jigit bolǵan. Qaitys bolǵan jolaýshylar 64, 18 jáne 15 jasta bolǵan.
Politsiia departamenti jol erejelerin qatań saqtaý qajettigin eskertti.
