© Photo : Pixabay / TheDigitalWay
Múgedektigi bar balalardyń 74 zańdy ókilinen jalpy somasy 6,6 mln teńge jeke tabys salyǵy ustalǵan, al shyn máninde olar salyq tóleýden bosatylǵan
Soltústik Qazaqstan oblysynda múgedek balalardyń zańdy ókilderinen salyq negizsiz óndirilgen, dep habarlaidy oblystyq prokýratýra.
"Mamliýt, Shal aqyn, Taiynsha aýdandarynda jumys berýshiler "Salyq jáne biýdjetke tólenetin basqa da mindetti tólemder týraly" kodekstiń 346-babyn buzǵan. Múgedektigi bar balalardyń 74 zańdy ókilinen jalpy somasy 6,6 mln teńge jeke tabys salyǵy ustalǵan, al shyn máninde olar salyq tóleýden bosatylǵan", - deidi vedomstvo.
Aqjar aýdanynda 19 múgedektigi bar adamnan kólik salyǵy men memlekettik baj salyǵy zańsyz ustalǵan. Prokýrorlyq qadaǵalaý aktileri arqyly 2,3 mln teńge qaitaryldy, qalǵan soma boiynsha jumys júrip jatyr.
