Respýblika óńirlerindegi kóktemgi egis jumystaryna daiyndyq jaily aqparattar legin jalǵastyramyz. Soltústik Qazaqstan oblysyndaǵy sharýalar biylǵy jyly dándi daqyl, maily daqyl, jemshóp jáne kókónis egiletin egistikterge ylǵal jabý jumystaryna kiristi, dep habarlaidy "Ult aqparat" Aýyl sharýashylyǵy ministrligine silteme jasap.
Soltústik Qazaqstan oblysyndaǵy egis alqaby - 4,2 mln ga. Onyń ishinde dándi daqyldar - 2,8 mln ga, maily daqyldar - 955,4 myń ga, mal azyǵy - 352,9 myń ga, kartop - 32,5 myń ga, kókónis - 6 myń ga.
«Biylǵy egis naýqanyn ótkizýge 13,6 myń traktor, 15,8 myń tuqym sepkish, 1,2 myń qazirgi zamanǵy ónimdiligi joǵary egis keshenderi jumyldyrylady. Oblystyń aýyl sharýashylyǵy kásiporyndary qolda bar tehnikaǵa jóndeý jumystaryn ýaqytynda júrgizýde. Aýyl sharýashylyǵy tehnikasynyń daiyndyǵy - 99%. Jyl basynan beri oblystyń mashina-traktor parki 6,7 mlrd teńgege 433 tehnika aldy. Onyń ishinde 90 traktor, 15 egis kesheni jáne 154 astyq tuqym sepkishpen qosymsha tolyqty» delingen habarlamada.
Kóktemgi egis jumystaryn júrgizý úshin Soltústik Qazaqstan oblysyna 68,9 myń tonna jeńildikti dizel otyny bólingen.
QazAgro qarjy institýttary arqyly kóktemgi egis jáne egin jinaý jumystaryna jyl basynan beri 16,6 mlrd teńgege 316 ótinim qarjylandyryldy.
