رەسپۋبليكا ٶڭٸرلەرٸندەگٸ كٶكتەمگٸ ەگٸس جۇمىستارىنا دايىندىق جايلى اقپاراتتار لەگٸن جالعاستىرامىز. سولتٷستٸك قازاقستان وبلىسىنداعى شارۋالار بيىلعى جىلى دەندٸ داقىل, مايلى داقىل, جەمشٶپ جەنە كٶكٶنٸس ەگٸلەتٸن ەگٸستٸكتەرگە ىلعال جابۋ جۇمىستارىنا كٸرٸستٸ, دەپ حابارلايدى "ۇلت اقپارات" اۋىل شارۋاشىلىعى مينيسترلٸگٸنە سٸلتەمە جاساپ.
سولتٷستٸك قازاقستان وبلىسىنداعى ەگٸس القابى - 4,2 ملن گا. ونىڭ ٸشٸندە دەندٸ داقىلدار - 2,8 ملن گا, مايلى داقىلدار - 955,4 مىڭ گا, مال ازىعى - 352,9 مىڭ گا, كارتوپ - 32,5 مىڭ گا, كٶكٶنٸس - 6 مىڭ گا.
«بيىلعى ەگٸس ناۋقانىن ٶتكٸزۋگە 13,6 مىڭ تراكتور, 15,8 مىڭ تۇقىم سەپكٸش, 1,2 مىڭ قازٸرگٸ زامانعى ٶنٸمدٸلٸگٸ جوعارى ەگٸس كەشەندەرٸ جۇمىلدىرىلادى. وبلىستىڭ اۋىل شارۋاشىلىعى كەسٸپورىندارى قولدا بار تەحنيكاعا جٶندەۋ جۇمىستارىن ۋاقىتىندا جٷرگٸزۋدە. اۋىل شارۋاشىلىعى تەحنيكاسىنىڭ دايىندىعى - 99%. جىل باسىنان بەرٸ وبلىستىڭ ماشينا-تراكتور پاركٸ 6,7 ملرد تەڭگەگە 433 تەحنيكا الدى. ونىڭ ٸشٸندە 90 تراكتور, 15 ەگٸس كەشەنٸ جەنە 154 استىق تۇقىم سەپكٸشپەن قوسىمشا تولىقتى» دەلٸنگەن حابارلامادا.
كٶكتەمگٸ ەگٸس جۇمىستارىن جٷرگٸزۋ ٷشٸن سولتٷستٸك قازاقستان وبلىسىنا 68,9 مىڭ توننا جەڭٸلدٸكتٸ ديزەل وتىنى بٶلٸنگەن.
قازاگرو قارجى ينستيتۋتتارى ارقىلى كٶكتەمگٸ ەگٸس جەنە ەگٸن جيناۋ جۇمىستارىنا جىل باسىنان بەرٸ 16,6 ملرد تەڭگەگە 316 ٶتٸنٸم قارجىلاندىرىلدى.
